மோசேயின் விளக்கம்
இயேசு கிறிஸ்து திரியேக தேவனாக, அதாவது பிதா, வார்த்தை, பரிசுத்த ஆவியானவரின் தற்சுரூபமாய் இருக்கிறார்

முந்தைய பாகம்: யாக்கோபின் விளக்கம்

முட்செடியின் மோசேக்கு தரிசனமான கர்த்தர், இஸ்ரவேல் மக்களை அடிமைத்தனத்திலிருந்து மீட்க, மூன்று அடையாளங்களை கொடுத்து அனுப்பினார், அவைகள் முறையே "மோசே தன் கோலை தரையிலே போடுவது", அதன் பின்பு "மோசே தன் கையை மடியிலே போடுவது", பின்பு "நதியின் தண்ணீரை நிலத்தில் ஊற்றுவது" என்பதாகும் - 1.அப்பொழுது மோசே: அவர்கள் என்னை நம்பார்கள்; என் வாக்குக்குச் செவிகொடார்கள்; கர்த்தர் உனக்குத் தரிசனமாகவில்லை என்று சொல்லுவார்கள் என்றான். 2.கர்த்தர் அவனை நோக்கி: உன் கையிலிருக்கிறது என்ன என்றார். ஒரு கோல் என்றான். 3.அதைத் தரையிலே போடு என்றார்; அவன் அதைத் தரையிலே போட்டபோது, அது சர்ப்பமாயிற்று; மோசே அதற்கு விலகி ஓடினான். 4.அப்பொழுது கர்த்தர் மோசேயை நோக்கி: உன் கையை நீட்டி, அதின் வாலைப் பிடி என்றார்; அவன் தன் கையை நீட்டி, அதைப் பிடித்தபோது, அது அவன் கையிலே கோலாயிற்று. 5.ஆபிரகாமின் தேவனும் ஈசாக்கின் தேவனும் யாக்கோபின் தேவனுமாயிருக்கிற தங்கள் பிதாக்களுடைய தேவனாகிய கர்த்தர் உனக்குத் தரிசனமானதை அவர்கள் நம்புவதற்கு இதுவே அடையாளம் என்றார். 6.மேலும், கர்த்தர் அவனை நோக்கி: உன் கையை உன் மடியிலே போடு என்றார்; அவன் தன் கையைத் தன் மடியிலே போட்டு, அதை வெளியே எடுக்கும்போது, இதோ, அவன் கை உறைந்த மழையைப்போல வெண்குஷ்டம் பிடித்திருந்தது. 7.அவர்: உன் கையைத் திரும்பவும் உன் மடியிலே போடு என்றார். அவன் தன் கையைத் திரும்பத் தன் மடியிலே போட்டு, தன் மடியிலிருந்து அதை வெளியே எடுத்தபோது, அது திரும்ப அவனுடைய மற்றச் சதையைப்போலாயிற்று. 8.அப்பொழுது அவர்: முந்தின அடையாளத்தை அவர்கள் கண்டு, உன்னை நம்பாமலும் உனக்குச் செவிகொடாமலும் போனால், பிந்தின அடையாளத்தைக் கண்டு நம்புவார்கள். 9.இவ்விரண்டு அடையாளங்களையும் அவர்கள் நம்பாமலும், உன் வாக்குக்குச் செவிகொடாமலும் இருப்பார்களானால், அப்பொழுது நீ நதியின் தண்ணீரை மொண்டு நிலத்தில் ஊற்றுவாயாக; நதியில் மொண்ட தண்ணீர் வெட்டாந்தரையிலே இரத்தமாகும் என்றார் - யாத்திராகமம் 4:1-9

இதில் முதல் அடையாளமாகிய, மோசே தேவனுடைய கோலை தரையிலே போட்டு, அது சர்ப்பமாக மாறி, மறுபடியும் அதை கையினால் எடுத்து ஒரு கோலாக மாற்றுவது, வார்த்தையானவரின் குமாரன் உன்னதத்திலிருந்து இயேசு கிறிஸ்துவாக பூமிக்கு வந்து மரணத்தை ருசித்து மறுபடியுமாக உயிர்த்தெழுவதையே குறிக்கிறது.

இரண்டாம் அடையாளவது, இயேசு கிறிஸ்துவுக்குள் வாசம் செய்த பிதாவானவரின் குமாரன் நமக்காக பாடுகள் அடைந்த ரகசியத்தை அறிவிக்கிறது, இல்லாவிட்டால், மோசே தன்னுடைய கரத்தை மடியிலே போட்டு வெண்குஷ்டம் உள்ள கையாக மாற்றுவதற்கு பதிலாக அதை ஒரு தங்கமாக மாற்றி இருக்கலாமே? 

மூன்றாவது அடையாளமாகிய, நதியின் தண்ணீரை தரையில் ஊற்றி இரத்தமாக மாற்றுவது, இயேசு கிறிஸ்துவை நிரப்பியிருந்த பரிசுத்த ஆவியானவரின் குமாரன் நமக்காக பாடுகள் அடைந்த ரகசியத்தை அறிவிக்கிறது, இல்லாவிட்டால்,  தண்ணிரை இரத்தமாக மாற்றுவதற்கு பதிலாக அதை வைரமாக மாற்றி இருக்கலாமே? 

மோசே தன் சகோதரனாகிய ஆரோனுடன் இஸ்ரவேல் மக்களை சந்தித்தபோது இந்த மூன்று அடையாளங்களையும் செய்து காட்டினான், அது தான் இயேசு கிறிஸ்துவை நம் சொந்த இரட்சகராக ஏற்றுக் கொண்டு, பிதாவின் கிருபையையும், பரிசுத்த ஆவியின் நிறைவையும் பெற்றுக்கொள்வது - 28.அப்பொழுது மோசே தன்னை அனுப்பின கர்த்தருடைய சகல வார்த்தைகளையும் அவர் தனக்குக் கட்டளையிட்ட சகல அடையாளங்களையும் ஆரோனுக்குத் தெரிவித்தான். 29.மோசேயும் ஆரோனும் போய், இஸ்ரவேல் புத்திரரின் மூப்பர் எல்லாரையும் கூடிவரச் செய்தார்கள். 30.கர்த்தர் மோசேக்குச் சொல்லிய சகல வார்த்தைகளையும் ஆரோன் சொல்லி, ஜனங்களின் கண்களுக்கு முன்பாக அந்த அடையாளங்களையும் செய்தான். 31.ஜனங்கள் விசுவாசித்தார்கள்; கர்த்தர் இஸ்ரவேல் புத்திரரைச் சந்தித்தார் என்றும், அவர்கள் படும் உபத்திரவங்களைக் கண்ணோக்கிப்பார்த்தார் என்றும், அவர்கள் கேட்டபோது, தலைகுனிந்துத் தொழுதுகொண்டார்கள் - யாத்திராகமம் 4:28-31

இப்படி மூன்று அடையாளங்கள் மோசேயிடம் இருந்தும், பார்வோன் தனக்கு ஒரே ஒரு அடையாளத்தை மாத்திரம் காட்ட வேண்டும் என்று கேட்டான், கர்த்தரும் பார்வோனுக்கு ஒரே ஒரு அடையாளத்தை மாத்திரம் காண்பிக்க அனுமதித்தார், அது மோசே தன் கோலை தரையிலே போடுவது - 9.கர்த்தர் மோசேயையும் ஆரோனையும் நோக்கி: 9.உங்கள் பட்சத்திற்கு ஒரு அற்புதம் காட்டுங்கள் என்று பார்வோன் உங்களோடே சொன்னால், அப்பொழுது நீ ஆரோனை நோக்கி: உன் கோலை எடுத்து அதைப் பார்வோனுக்கு முன்பாகப் போடு என்பாயாக; அது சர்ப்பமாகும் என்றார். 10.மோசேயும் ஆரோனும் பார்வோனிடத்தில் போய், கர்த்தர் தங்களுக்குக் கட்டளையிட்டபடி செய்தார்கள். ஆரோன் பார்வோனுக்கு முன்பாகவும், அவன் ஊழியக்காரருக்கு முன்பாகவும் தன் கோலைப் போட்டான், அது சர்ப்பமாயிற்று. 11.அப்பொழுது பார்வோன் சாஸ்திரிகளையும் சூனியக்காரரையும் அழைப்பித்தான். எகிப்தின் மந்திரவாதிகளும் தங்கள் மந்திரவித்தையினால் அப்படிச் செய்தார்கள். 12.அவர்கள் ஒவ்வொருவனாகத் தன்தன் கோலைப் போட்டபோது, அவைகள் சர்ப்பங்களாயின; ஆரோனுடைய கோலோ அவர்களுடைய கோல்களை விழுங்கிற்று. 13.கர்த்தர் சொல்லியிருந்தபடி பார்வோனின் இருதயம் கடினப்பட்டது, அவர்களுக்குச் செவிகொடாமற் போனான் - யாத்திராகமம் 7:8-13

செவ்வானம், காற்று, மழை

இயேசு கிறிஸ்துவின் ஊழிய நாட்களில் பார்வோன்களுக்கு ஒப்பாயிருந்த பரிசேயரும் வேதபாரகரும் இயேசு கிறிஸ்துவிடம் அன்று பார்வோன் எப்படி மோசையிடம் ஒரு அடையாளத்தை கேட்டானோ, அதுபோலவே கர்த்தரிடமும் ஒரு அடையாளத்தை கேட்டார்கள், அவர்களை மாயக்காரரே என்று அழைத்த கர்த்தர், ஒரே ஒரு அடையாளமாகிய யோனா தீர்க்கதரிசியின் அடையாளத்தை மாத்திரம் கொடுக்கப் போவதாக சொன்னார், அது தான் இயேசு கிறிஸ்து சிலுவையில் மரித்து மூன்றாம் நாள் உயிர்த்தெழுந்த அடையாளம் - 1.பரிசேயரும் சதுசேயரும் அவரைச் சோதிக்கும்படி அவரிடத்தில் வந்து: வானத்திலிருந்து ஓர் அடையாளத்தைத் தங்களுக்குக் காண்பிக்கவேண்டும் என்று கேட்டார்கள். 2.அவர்களுக்கு அவர் பிரதியுத்தரமாக: அஸ்தமனமாகிறபோது, செவ்வானமிட்டிருக்கிறது, அதினால் வெளிவாங்கும் என்று சொல்லுகிறீர்கள். 3.உதயமாகிறபோது, செவ்வானமும் மந்தாரமுமாயிருக்கிறது, அதினால் இன்றைக்குக் காற்றும் மழையும் உண்டாகும் என்று சொல்லுகிறீர்கள். மாயக்காரரே, வானத்தின் தோற்றத்தை நிதானிக்க உங்களுக்குத் தெரியுமே, காலங்களின் அடையாளங்களை நிதானிக்க உங்களால் கூடாதா? 4.இந்தப் பொல்லாத விபசார சந்ததியார் அடையாளம் தேடுகிறார்கள்; யோனா தீர்க்கதரிசியின் அடையாளமேயன்றி வேறே அடையாளம் இவர்களுக்குக் கொடுக்கப்படுவதில்லை என்று சொல்லி, அவர்களை விட்டுப் புறப்பட்டுப்போனார் - மத்தேயு 16:1-4

யோனா தீர்க்கதரிசியின் அடையாளத்தை, சூரியனோடு ஒப்பிட்டுச் சொன்ன மெய்யான ஒளியாகிய இயேசு கிறிஸ்து, சூரியன் அஸ்தமனமாகிறபோது தோன்றுகிற செவ்வானம் தன்னுடைய மரணத்தையல்லவா அறிவிக்கிறது என்றும், அதே சூரியன் உதயமாவது தன்னுடைய உயிர்த்தெழுதலையல்லவா அறிவிக்கிறது என்று சொல்லி, அந்த ஒரு அடையாளத்தை மாத்திரம் தருகிறேன் என்று சொன்னார். இப்படி கர்த்தர் அனுமதித்ததினால் தான், இன்று பலரும் இயேசு கிறிஸ்துவின் சிலுவை பாடுகளையும், கர்த்தரின் உயிர்த்தெழுதலையும் கூட அறிந்தவர்களாக இருக்கிறார்கள், ஆனால் அவர்களால் இயேசு கிறிஸ்துவை தேவன் என்று ஏற்றுக் கொள்ளவும் முடியவில்லை, பரிசுத்த ஆவியானவரின் அபிஷேகத்தை பெற்றுக் கொள்ளவும் முடிய வில்லை.

மேலும் கர்த்தர், சூரியன் அஸ்தமனமாகிறபோது தோன்றுகிற செவ்வானம், கடல் தண்ணீரை எல்லையை தாண்டி வரச்செய்து நிலத்தை சுத்திகரிப்பது போல, இயேசு கிறிஸ்துவின் ரத்தம் நம்மை சுத்திகரிக்கும் என்பதையும், அதேபோல சூரியன் உதயமாகிறபோது உண்டாகும் செவ்வானமும் மந்தாரமும் காற்றை வீசச்செய்து மழையை வருவிப்பது போல, இயேசு கிறிஸ்துவால் நாம் பிதாவின்  கிருபையையும் பரிசுத்த ஆவியானவரின் வரங்களையும் பெற்றுக் கொள்ள முடியும் என்றும் குறிப்பிட்டார்.

மோசே, ஆரோன், ஊர்

இஸ்ரவேல் மக்கள் அமலேக்கியரோடு செய்த யுத்தம், வானமண்டலங்களிலுள்ள பொல்லாத ஆவிகளின் சேனைகளோடு நடக்கும் போராட்டத்திற்கு அடுத்ததாகவும், விசுவாசத்தினால் மாத்திரமே நாம் இந்த யுத்தத்தில் வெற்றிக் கொள்ள முடியும் என்பதை கற்றுக் கொடுப்பதாகவுமே இருந்தது, அதனால் தான் கர்த்தர் மேல் விசுவாசம் வைக்காமல் நாம் எப்படி வாக்குத்தத்தம் பண்ணப்பட்ட ஆசீர்வாதத்தை சுதந்தரிக்கப் போகிறோம் என்று சந்தேகப்பட்ட மக்கள் அந்த யுத்தத்தில் தோற்றுப் போனார்கள் - 36.அந்த தேசத்தைச் சோதித்துப்பார்க்கும்படி மோசேயால் அனுப்பப்பட்டுத் திரும்பி, அந்த தேசத்தைக்குறித்துத் துர்ச்செய்தி கொண்டுவந்து, 37.சபையார் எல்லாரும் அவனுக்கு விரோதமாய் முறுமுறுக்கும்படி அந்தத் துர்ச்செய்தியைச் சொன்னவர்களாகிய அந்த மனிதர் கர்த்தருடைய சந்நிதியில் வாதையினால் செத்தார்கள். 38.தேசத்தைச் சுற்றிப்பார்க்கப்போன அந்த மனிதரில் நூனின் குமாரனாகிய யோசுவாவும், எப்புன்னேயின் குமாரனாகிய காலேபும்மாத்திரம் உயிரோடிருந்தார்கள். 39.மோசே இந்த வார்த்தைகளை இஸ்ரவேல் புத்திரர் அனைவரோடும் சொன்னபோது, ஜனங்கள் மிகவும் துக்கித்தார்கள். 40.அதிகாலமே அவர்கள் எழுந்திருந்து: நாங்கள் பாவஞ்செய்தோம், கர்த்தர் வாக்குத்தத்தம்பண்ணின இடத்துக்கு நாங்கள் போவோம் என்று சொல்லி மலையின் உச்சியில் ஏறத்துணிந்தார்கள். 41.மோசே அவர்களை நோக்கி: நீங்கள் இப்படி கர்த்தரின் கட்டளையை மீறுகிறதென்ன? அது உங்களுக்கு வாய்க்காது. 42.நீங்கள் உங்கள் சத்துருக்களுக்கு முன்பாக முறிய அடிக்கப்படாதபடிக்கு ஏறிப்போகாதிருங்கள்; கர்த்தர் உங்கள் நடுவில் இரார். 43.அமலேக்கியரும் கானானியரும் அங்கே உங்களுக்குமுன்னே இருக்கிறார்கள்; பட்டயத்தினால் விழுவீர்கள்; நீங்கள் கர்த்தரை விட்டுப் பின்வாங்கினபடியால், கர்த்தர் உங்களோடே இருக்கமாட்டார் என்றான். 44.ஆனாலும் அவர்கள் மலையின் உச்சியில் ஏறத் துணிந்தார்கள்; கர்த்தருடைய உடன்படிக்கையின் பெட்டியும் மோசேயும் பாளயத்தை விட்டுப் போகவில்லை. 45.அப்பொழுது அமலேக்கியரும் கானானியரும் அந்த மலையிலே இருந்து இறங்கிவந்து, அவர்களை முறிய அடித்து, அவர்களை ஓர்மாமட்டும் துரத்தினார்கள் - எண்ணாகமம் 14:36-45

வானமண்டலங்களிலுள்ள பொல்லாத ஆவிகளின் சேனைகளோடு நடக்கும் இந்த யுத்தத்தில் நாம் நம் சுய பலத்தால் வெற்றி பெற முடியாது, அதே சமயத்தில் நாம் கர்த்தரை சார்ந்து இருப்போமானால் வெற்றி கொள்ள முடியும் என்பதை கற்றுக் கொடுப்பதற்காகவே, ரெவிதீமிலே அமலேக்கியரோடு நடந்த யுத்ததில், மோசே மலையின் மேல் தன் கைகளை விரித்த வண்ணமாக சிலுவையின் காட்சியை பிரதிபலித்துக்கொண்டிருந்தார், அதை பார்த்த இஸ்ரவேல் மக்களும் வெற்றி கொண்டார்கள் - 8.அமலேக்கியர் வந்து ரெவிதீமிலே இஸ்ரவேலரோடே யுத்தம்பண்ணினார்கள். 9.அப்பொழுது மோசே யோசுவாவை நோக்கி: நீ நமக்காக மனிதரைத் தெரிந்துகொண்டு, புறப்பட்டு, அமலேக்கோடே யுத்தம்பண்ணு; நாளைக்கு நான் மலையுச்சியில் தேவனுடைய கோலை என் கையில் பிடித்துக்கொண்டு நிற்பேன் என்றான். 10.யோசுவா தனக்கு மோசே சொன்னபடியே செய்து, அமலேக்கோடே யுத்தம்பண்ணினான். மோசேயும் ஆரோனும் ஊர் என்பவனும் மலையுச்சியில் ஏறினார்கள். 11.மோசே தன் கையை ஏறெடுத்திருக்கையில், இஸ்ரவேலர் மேற்கொண்டார்கள்; அவன் தன் கையைத் தாழவிடுகையில், அமலேக்கு மேற்கொண்டான் - யாத்திராகமம் 17:8-11

ஆனால், நம் இரட்சகராகிய இயேசு கிறிஸ்து, வார்த்தையானவர் மாத்திரம் அல்ல, அவருக்குள் பரலோகத்தின் தேவனாகிய பிதாவும், பரிசுத்த ஆவியானவரும் வாசம் செய்தார்கள், இப்படியாக நம் கர்த்தர் திரியேக தேவனாக இருக்கிறார், இதை விளக்கவே மோசேயுடன், ஆரோன் மற்றும் ஊர் என்கிற இரண்டு பேர் நின்றார்கள் - 12.மோசேயின் கைகள் அசர்ந்துபோயிற்று, அப்பொழுது அவர்கள் ஒரு கல்லைக் கொண்டுவந்து அவன் கீழே வைத்தார்கள்; அதின்மேல் உட்கார்ந்தான்; ஆரோனும் ஊரும் ஒருவன் ஒரு பக்கத்திலும் ஒருவன் மறு பக்கத்திலும் இருந்து, அவன் கைகளைத் தாங்கினார்கள்; இவ்விதமாய் அவன் கைகள் சூரியன் அஸ்தமிக்கும்வரைக்கும் ஒரே நிலையாயிருந்தது. 13.யோசுவா அமலேக்கையும் அவன் ஜனங்களையும் பட்டயக்கருக்கினாலே முறிய அடித்தான். 14.பின்பு கர்த்தர் மோசேயை நோக்கி: இதை நினைவுகூரும்பொருட்டு, நீ ஒரு புஸ்தகத்தில் எழுதி, யோசுவாவின் செவி கேட்கும்படி வாசி. அமலேக்கை வானத்தின் கீழெங்கும் இராதபடிக்கு நாசம் பண்ணுவேன் என்றார். 15.மோசே ஒரு பலிபீடத்தைக் கட்டி, அதற்கு யேகோவாநிசி என்று பேரிட்டு, 16.அமலேக்கின் கை கர்த்தருடைய சிங்காசனத்துக்கு விரோதமாயிருந்தபடியால், தலைமுறை தலைமுறைதோறும் அவனுக்கு விரோதமாய் கர்த்தரின் யுத்தம் நடக்கும் என்றான் - யாத்திராகமம் 17:12-16

அப்பொழுது ரெவிதீமின் யுத்தகலத்தில் நின்ற இஸ்ரவேலர் மலையை பார்க்கும் பொழுது, நமக்காக பரிந்து பேசும் இரட்சகரை மூன்று பேராக தானே பார்த்திருப்பார்கள், அப்போஸ்தலனாகிய யோவான் இதை குறித்துச் சொல்லும் பொழுது பிதா, வார்த்தை, பரிசுத்த ஆவியாகிய திரியேக தேவன் ஜலம், இரத்தம், ஆவியாக கிறிஸ்து இயேசுவுக்குள் இருந்தார்கள் என்று குறிப்பிட்டுள்ளார் - 8.பூலோகத்திலே சாட்சியிடுகிறவைகள் மூன்று, ஆவி, ஜலம், இரத்தம் என்பவைகளே, இம்மூன்றும் ஒருமைப்பட்டிருக்கிறது. 9.நாம் மனுஷருடைய சாட்சியை ஏற்றுக்கொண்டால், அதைப்பார்க்கிலும் தேவனுடைய சாட்சி அதிகமாயிருக்கிறது; தேவன் தமது குமாரனைக்குறித்துக் கொடுத்த சாட்சி இதுவே - I யோவான் 5:8-9


கர்த்தர், கர்த்தர், கர்த்தர்

இப்படியாக முட்செடியின் நடுவிலிருந்து உண்டான அக்கினிஜுவாலையிலே தரிசனமான கர்த்தரை, தான் இன்னும் அறிந்துக் கொள்ளவேண்டும் என்று மோசே வேண்டிக் கொண்ட பொழுது, மேகஸ்தம்பத்தில் இறங்கின வார்த்தையானவரின் குமாரன்[கர்த்தர்] தன்னோடு இருக்கும் பிதாவானவரின் குமாரனையும்[கர்த்தர்], பரிசுத்த ஆவியானவரின் குமாரனையும்[கர்த்தர்], மோசேயின் காதுகள் கேட்க கர்த்தர், கர்த்தர் என்று அழைத்து தன்னுடைய திருத்துவத்தை வெளிப்படுத்தினார் - 5.கர்த்தர் ஒரு மேகத்தில் இறங்கி, அங்கே அவன் அருகே நின்று, கர்த்தருடைய நாமத்தைக் கூறினார். 6.கர்த்தர் அவனுக்கு முன்பாகக் கடந்துபோகிறபோது, அவர்: கர்த்தர், கர்த்தர், இரக்கமும், கிருபையும், நீடிய சாந்தமும், மகா தயையும், சத்தியமுமுள்ள தேவன். 7.ஆயிரம் தலைமுறைகளுக்கு இரக்கத்தைக் காக்கிறவர்; அக்கிரமத்தையும் மீறுதலையும் பாவத்தையும் மன்னிக்கிறவர்; குற்றவாளியைக் குற்றமற்றவனாக விடாமல், பிதாக்கள் செய்த அக்கிரமத்தைப் பிள்ளைகளிடத்திலும், பிள்ளைகளுடைய பிள்ளைகளிடத்திலும் மூன்றாம் நான்காம் தலைமுறைமட்டும் விசாரிக்கிறவர் என்று கூறினார். 8.மோசே தீவிரமாகத் தரைமட்டும் குனிந்து பணிந்துகொண்டு: 9.ஆண்டவரே, உம்முடைய கண்களில் எனக்குக் கிருபை கிடைத்ததானால், எங்கள் நடுவில் ஆண்டவர் எழுந்தருளவேண்டும்; இந்த ஜனங்கள் வணங்காக் கழுத்துள்ளவர்கள்; நீரோ, எங்கள் அக்கிரமத்தையும் எங்கள் பாவத்தையும் மன்னித்து, எங்களை உமக்குச் சுதந்தரமாக ஏற்றுக்கொள்ளும் என்றான். 10.அதற்கு அவர்: இதோ, நான் ஒரு உடன்படிக்கைபண்ணுகிறேன்; பூமியெங்கும் எந்த ஜாதிகளிடத்திலும் செய்யப்படாத அதிசயங்களை உன் ஜனங்கள் எல்லாருக்கு முன்பாகவும் செய்வேன்; உன்னோடேகூட இருக்கிற ஜனங்கள் எல்லாரும் கர்த்தருடைய செய்கையைக் காண்பார்கள்; உன்னோடேகூட இருந்து, நான் செய்யும் காரியம் பயங்கரமாயிருக்கும் - யாத்திராகமம் 34:5-10

அடுத்த பாகம்: யோனாவின் விளக்கம்