இயேசுவின் தாய்
பாகம் 11: சூரியன் இருளடைந்தது

முந்தைய பாகம்: சிரேனே ஊரானாகிய சீமோனாக வந்தது யார்?


சிலுவையின் மீட்பை செய்துக் காட்டிய மோசே, இரண்டு சாட்சிப்பலகைகளை அல்லவா உடைத்தார், அது குமாரனாகிய இயேசு கிறிஸ்துவோடு பிதாவும் பாடு பட வேண்டும் என்பதை தானே அறிவுறுத்துகிறது - 15.பின்பு மோசே மலையிலிருந்து இறங்கினான்; சாட்சிப்பலகைகள் இரண்டும் அவன் கையில் இருந்தது; அந்தப் பலகைகள் இருபுறமும் எழுதப்பட்டிருந்தது, அவைகள் இந்தப் பக்கத்திலும் அந்தப் பக்கத்திலும் எழுதப்பட்டிருந்தது. 16.அந்தப் பலகைகள் தேவனால் செய்யப்பட்டதாயும், அவைகளிலே பதிந்த எழுத்து தேவனால் எழுதப்பட்ட எழுத்துமாயிருந்தது. 17.ஜனங்கள் ஆரவாரம் பண்ணுகிறதை யோசுவா கேட்டு, மோசேயை நோக்கி: பாளயத்தில் யுத்தத்தின் இரைச்சல் உண்டாயிருக்கிறது என்றான். 18.அதற்கு மோசே: அது ஜெயதொனியாகிய சத்தமும் அல்ல, அபஜெயதொனியாகிய சத்தமும் அல்ல; பாடலின் சத்தம் எனக்குக் கேட்கிறது என்றான். 19.அவன் பாளயத்துக்குச் சமீபித்து, அந்தக் கன்றுக்குட்டியையும் நடனத்தையும் கண்டபோது, மோசே கோபம் மூண்டவனாகி, தன் கையிலே இருந்த பலகைகளை மலையின் அடியிலே எறிந்து உடைத்துப்போட்டு; 20.அவர்கள் உண்டுபண்ணின கன்றுக்குட்டியை எடுத்து, அக்கினியில் சுட்டெரித்து, அதைப் பொடியாக அரைத்து, தண்ணீரின்மேல் தூவி, அதை இஸ்ரவேல் புத்திரர் குடிக்கும்படி செய்தான் - யாத்திராகமம் 32:15-20

மேலும் தீர்க்கதரிசியாகிய யோவேல், சிலுவையினால் உண்டாகும் மீட்பைக் குறித்துச் சொல்லும் பொழுது "சூரியன் இருளாகவும் சந்திரன் இரத்தமாகவும் மாறும்" என்று சொன்னதின் அர்த்தம் என்ன? இந்த தீர்க்கதரிசனத்தை பேதுரு ஏன் முதல் பிரசங்கத்திலேயே நினைவு கூர்ந்தார்? - 16.தீர்க்கதரிசியாகிய யோவேலினால் உரைக்கப்பட்டபடியே இது நடந்தேறுகிறது. 17.கடைசிநாட்களில் நான் மாம்சமான யாவர்மேலும் என் ஆவியை ஊற்றுவேன், அப்பொழுது உங்கள் குமாரரும் உங்கள் குமாரத்திகளும் தீர்க்கதரிசனஞ்சொல்லுவார்கள்; உங்கள் வாலிபர் தரிசனங்களை அடைவார்கள்; உங்கள் மூப்பர் சொப்பனங்களைக் காண்பார்கள்; 18.என்னுடைய ஊழியக்காரர்மேலும், என்னுடைய ஊழியக்காரிகள்மேலும் அந்நாட்களில் என் ஆவியை ஊற்றுவேன், அப்பொழுது அவர்கள் தீர்க்கதரிசனஞ் சொல்லுவார்கள். 19.அல்லாமலும் உயர வானத்திலே அற்புதங்களையும், தாழ பூமியிலே இரத்தம், அக்கினி, புகைக்காடாகிய அதிசயங்களையும் காட்டுவேன். 20.கர்த்தருடைய பெரிதும் பிரகாசமுமான நாள் வருமுன்னே சூரியன் இருளாகவும், சந்திரன் இரத்தமாகவும் மாறும். 21.அப்பொழுது கர்த்தருடைய நாமத்தைத் தொழுதுகொள்ளுகிறவனெவனோ அவன் இரட்சிக்கப்படுவான் என்று தேவன் உரைத்திருக்கிறார் - அப்போஸ்தலர் 2:16-21 

இந்த தீர்க்கதரிசனத்தின் ஒரு பாகமாகிய "சூரியன் இருளாகும்" என்பதின் நிறைவேறுதல் மாத்திரம் வேதாகமத்தில் சொல்லப்பட்டிருக்க காரணம் என்ன? - 44.அப்பொழுது ஏறக்குறைய ஆறாம்மணி நேரமாயிருந்தது; ஒன்பதாம்மணி நேரம்வரைக்கும் பூமியெங்கும் அந்தகாரமுண்டாயிற்று. 45.சூரியன் இருளடைந்தது, தேவாலயத்தின் திரைச்சீலை நடுவில் இரண்டாகக் கிழிந்தது. 46.இயேசு: பிதாவே, உம்முடைய கைகளில் என் ஆவியை ஒப்புவிக்கிறேன் என்று மகா சத்தமாய்க் கூப்பிட்டுச் சொன்னார்; இப்படிச் சொல்லி, ஜீவனைவிட்டார் - லூக்கா 23:44-46

ஏன் என்றால் இந்த தீர்க்கதரிசனத்தில் சொல்லப்பட்ட "சந்திரன் இரத்தமாகும்" என்பது தேவகுமாரனாகிய இயேசு கிறிஸ்துவின் சிலுவை மரணத்தை குறிக்கிறது, அதை அநேகர் கண்டு சாட்சி பகிர்ந்தார்கள், அதே சமயத்தில் "சூரியன் இருளாகும்" என்பது பிதாவாகிய தேவனின் பாடுகளை குறிக்கிறது, அதை அறிந்தவர் இயேசு கிறிஸ்து மாத்திரமே, மேலும் கிறிஸ்துவின் கிருபையினால் அவருக்கு அன்பாயிருந்த சீஷனாகிய யோவான் மாத்திரமே அறிந்திருந்தான், அதனால் தான் காணக்கூடாத தேவனின் வேதனையை விவரிக்க "சூரியன் இருளடைந்து" சொல்லப்பட்ட தீர்க்கதரிசனத்தை பிரதிபலித்தது.

அடுத்த பாகம்: ஸ்திரீயே, அதோ, உன் மகன்