ஆபிரகாமின் விளக்கம்
இயேசு கிறிஸ்து, வார்த்தையானவரின் குமாரன், பிதாவின் குமாரன், பரிசுத்த ஆவியானவரின் குமாரன் என மூன்று பேராய் இருக்கிறார்

முந்தைய பாகம்: என் சாட்சி உண்மையாயிருக்கிறது

கடந்த தொகுப்பில், நம் இரட்சகராகிய இயேசு கிறிஸ்து, திரியேக தேவனாகிய பிதா, வார்த்தை, பரிசுத்த ஆவியானவரில், ஒருவராகிய வார்த்தையானவர் அல்ல, மாறாக அவர் வார்த்தையானவரின் குமாரனாக இருக்கிறார், அவருக்குள் பிதாவானவரின் குமாரனும், பரிசுத்த ஆவியானவரின் குமாரனும் வாசம் செய்தார்கள், இப்படியாக இயேசு கிறிஸ்து திரியேக தேவனாகவே இருக்கிறார் என்பதை பார்த்தோம், இந்த தொகுப்பில் ஆபிரகாமுக்கு கர்த்தர் தன் திருத்துவத்தை எப்படியாக வெளிப்படுத்தினார் என்பதை பார்ப்போம். 

ஆபிரகாம், ஆபிராம் என்ற பெயருடைவராக இருந்த பொழுது மூன்று பலிபீடங்களை கட்டினார், ஆனால் அந்த பலிபீடங்களின் மேல் அவர் பலி செலுத்தியதாக ஒன்றும் சொல்லப்படவே இல்லை, அவர் கட்டிய முதல் பலிபீடம் மோரே என்கிற இடத்தில் இருந்தது, அது திரியேக தேவனில் முதல் நபராகிய பிதாவைக் பிரதிபலிக்கிறது - 6.ஆபிராம் அந்தத் தேசத்தில் சுற்றித் திரிந்து சீகேம் என்னும் இடத்துக்குச் சமீபமான மோரே என்னும் சமபூமிமட்டும் வந்தான்; அக்காலத்திலே கானானியர் அத்தேசத்தில் இருந்தார்கள். 7.கர்த்தர் ஆபிராமுக்குத் தரிசனமாகி: உன் சந்ததிக்கு இந்தத் தேசத்தைக் கொடுப்பேன் என்றார். அப்பொழுது அவன் தனக்குத் தரிசனமான கர்த்தருக்கு அங்கே ஒரு பலிபீடத்தைக் கட்டினான் - ஆதியாகமம் 12:6-7

அவர் பெத்தேலுக்குக் கிழக்கே கட்டிய இரண்டாவது பலிபீடம், திரியேக தேவனில் இரண்டாம் நபராகிய வார்த்தையானவரை பிரதிபலிக்கிறது - பின்பு அவன் அவ்விடம்விட்டுப் பெயர்ந்து, பெத்தேலுக்குக் கிழக்கே இருக்கும் மலைக்குப் போய், பெத்தேல் தனக்கு மேற்காகவும் ஆயீ கிழக்காகவும் இருக்கக் கூடாரம்போட்டு, அங்கே கர்த்தருக்கு ஒரு பலிபீடத்தைக் கட்டி, கர்த்தருடைய நாமத்தைத் தொழுதுகொண்டான் - ஆதியாகமம் 12:8

அவர் மம்ரேயில் கட்டிய மூன்றாம் பலிபீடம், திரியேக தேவனில் மூன்றாம் நபராகிய பரிசுத்த ஆவியானவரை பிரதிபலிக்கிறது - அப்பொழுது ஆபிராம் கூடாரத்தைப் பெயர்த்துக்கொண்டுபோய், எபிரோனிலிருக்கும் மம்ரேயின் சமபூமியில் சேர்ந்து குடியிருந்து, அங்கே கர்த்தருக்கு ஒரு பலிபீடத்தைக் கட்டினான் - ஆதியாகமம் 13:18

இப்படி ஆபிராம் கட்டிய மூன்று பலிபீடங்கள் பரலோகத்தின் தேவனை, அதாவது நாம் காணக்கூடாத அதரிசனமான பிதா, வார்த்தை, பரிசுத்த ஆவி என்ற திரியேக தேவனையே குறிக்கிறது, இதை அப்போஸ்தலனாகிய யோவான் அதரிசனமான தேவன் மூன்று நபர்களாகவும், அதே சமயத்தில் அவர்கள் மூன்று பேரும் பிரிக்க முடியாத ஒரே தேவனாக[பிதாவாக] இருப்பதாகவும் குறிப்பிட்டுள்ளார் - பரலோகத்திலே சாட்சியிடுகிறவர்கள் மூவர், பிதா, வார்த்தை, பரிசுத்த ஆவி என்பவர்களே, இம்மூவரும் ஒன்றாயிருக்கிறார்கள் - I யோவான் 5:7 

இப்படி மூன்று பலிபீடங்களை கட்டிய ஆபிரகாம், கர்த்தரிடம் தான் எப்படி கானான் தேசத்தை அதாவது பரலோக ராஜ்யத்தை சுதந்தரித்து கொள்ளுவது என்று கேட்பதை தான் இந்த வசனங்களில் பார்க்க முடிகிறது - 5.அவர் அவனை வெளியே அழைத்து: நீ வானத்தை அண்ணாந்துபார், நட்சத்திரங்களை எண்ண உன்னாலே கூடுமானால், அவைகளை எண்ணு என்று சொல்லி; பின்பு அவனை நோக்கி: உன் சந்ததி இவ்வண்ணமாய் இருக்கும் என்றார். 6.அவன் கர்த்தரை விசுவாசித்தான், அதை அவர் அவனுக்கு நீதியாக எண்ணினார். 7.பின்னும் அவர் அவனை நோக்கி: இந்தத் தேசத்தை உனக்குச் சுதந்தரமாகக் கொடுக்கும்பொருட்டு, உன்னை ஊர் என்கிற கல்தேயருடைய பட்டணத்திலிருந்து அழைத்துவந்த கர்த்தர் நானே என்றார். 8.அதற்கு அவன்: கர்த்தராகிய ஆண்டவரே, நான் அதைச் சுதந்தரித்துக்கொள்வேன் என்று எதினால் அறிவேன் என்றான் - ஆதியாகமம் 15:5-8

அப்பொழுது தேவன் ஆபிரகாமுக்கு சொன்ன பதில், நம்மை மீட்க பிதா, வார்த்தை, பரிசுத்த ஆவியாகிய திரியேக தேவனே பலியாக போகிறார் என்ற இரகசியத்தை அறிவித்தது, இதனை அறிந்து கொள்ள, முதலாவது [מְשֻׁלָּ֑שׁ] shaw-lash => ஷாவ்-லாஷ் என்ற எபிரேய வார்த்தையின் அர்த்தத்தை அறிந்து கொள்ள வேண்டும், அதின் அர்த்தம் "மூன்றில் ஒரு பாகம்" என்பதாய் இருக்கிறது, உபாகமம் புஸ்தகத்திலும் இந்த ஷாவ்-லாஷ் என்கிற வார்த்தை இப்படி பயன்படுத்தப்பட்டுள்ளது - கொலைசெய்தவன் எவனும் அங்கே ஓடிப்போகும்படி உன் தேவனாகிய கர்த்தர் உன்னைச் சுதந்தரிக்கப்பண்ணப்போகிற உன் தேசத்தின் எல்லையை நீ மூன்று பங்காகப் பகுத்து(מְשֻׁלָּ֑שׁ) அதற்கு வழியை உண்டுபண்ணக்கடவாய் - உபாகமம் 19:3


இப்பொழுது தேவன் ஆபிரகாமுக்கு சொன்ன பதிலை பார்ப்போம், தேவன் ஆபிராமை மூன்று விதமான பலி பொருட்களை, அதாவது ஒரு கிடாரி, ஒரு வெள்ளாடு, ஒரு ஆட்டுக்கடாவை கொண்டு வரச்சொன்னார், அவைகள் பரலோகத்தின் தேவனாகிய பிதா, வார்த்தை, பரிசுத்த ஆவியானவரையே குறிக்கிறது, அதன் பின்பு, அந்த மூன்று விதமான பலிபொருளிருந்தும் ஒரு பாகத்தை (מְשֻׁלָּ֑שׁ => ஷாவ்-லாஷ்) எடுத்து பலி கொடுக்கச் சொன்னார், அதுவே நம் இரட்சகராகிய இயேசு கிறிஸ்து.


உதாரணத்திற்கு ஒரு பலிபொருளின் எடை 30 கிலோ இருக்குமானால், ஷாவ்-லாஷ் என்பது 10 கிலோ ஆகும், இப்படி ஒவ்வொரு பலிபொருளிலிருந்தும் ஷாவ்-லாஷ் என்கிற பகுதியை எடுக்கும் பொழுது, ஒரு முழு பலிபொருளின் எடைக்கு ஈடாக, அதாவது 30 கிலோ எடையுள்ள பாகமாக இருக்கும் அல்லவா? அதை தான் தேவன் பலியாக தகனிக்க சொன்னார் - 9.அதற்கு அவர்: ஷாவ்-லாஷ்(மூன்றில் ஒரு பாகம்) கிடாரியையும், ஷாவ்-லாஷ்(மூன்றில் ஒரு பாகம்) வெள்ளாட்டையும், ஷாவ்-லாஷ்(மூன்றில் ஒரு பாகம்) ஆட்டுக்கடாவையும், ஒரு காட்டுப்புறாவையும், ஒரு புறாக்குஞ்சையும், என்னிடத்தில் கொண்டுவா என்றார், 10.அவன் அவைகள் எல்லாவற்றையும் அவரிடத்தில் கொண்டுவந்து, அவைகளை நடுவாகத் துண்டித்து, துண்டங்களை ஒன்றுக்கொன்று எதிராக வைத்தான்; பட்சிகளை அவன் துண்டிக்கவில்லை - ஆதியாகமம் 15:9-10

இப்படி தேவக்குமாரனாகிய இயேசு கிறிஸ்து பிதா, வார்த்தை, பரிசுத்த ஆவி என்கிற மூன்று பேரிடத்திலிருந்து உண்டாவனராகவும், அவர்களின் தற்சுரூபமாகவும் இருக்கிறார். இதை அப்போஸ்தலனாகிய யோவான் விவரிக்கும் பொழுது பிதா, வார்த்தை, பரிசுத்த ஆவியாகிய திரியேக தேவன் ஜலம், இரத்தம், ஆவியாக கிறிஸ்து இயேசுவுக்குள் இருந்தார்கள் என்று குறிப்பிட்டுள்ளார் - பூலோகத்திலே சாட்சியிடுகிறவைகள் மூன்று, ஆவி, ஜலம், இரத்தம் என்பவைகளே, இம்மூன்றும் ஒருமைப்பட்டிருக்கிறது - I யோவான் 5:8


ஆனால், தேவன் ஒருவர் தானே, அவரை வேறு பிரித்து பார்க்க முடியாதே, அதனால் குமாரன் பாடுபடும் பொழுது, பரலோக தேவனும் பாடுபடத்தானே செய்வார், அதனை விளக்கவே தேவன் ஒரு காட்டுப்புறாவையும் ஒரு புறாக்குஞ்சையும் கொண்டு வரச்சொன்னார், இதை அப்போஸ்தலனாகிய பவுல் விவரிக்கும் பொழுது, நமக்கு பிதாவாகிய ஒரே தேவனும், இயேசுகிறிஸ்து என்னும் ஒரே கர்த்தரும் உண்டு என்று சொல்லுகிறார் - பிதாவாகிய ஒரே தேவன் நமக்குண்டு, அவராலே சகலமும் உண்டாயிருக்கிறது; அவருக்கென்று நாமும் உண்டாயிருக்கிறோம். இயேசுகிறிஸ்து என்னும் ஒரே கர்த்தரும் நமக்குண்டு; அவர்மூலமாய்ச் சகலமும் உண்டாயிருக்கிறது, அவர் மூலமாய் நாமும் உண்டாயிருக்கிறோம் - I கொரிந்தியர் 8:6


தேவன் ஆபிரகாமுக்கு தந்த மூன்றுவிதமான தரிசனம்

மேலும், தேவன் ஆபிரகாமுக்கு மூன்று முறை தரிசனமாகி, தான் திரியேக தேவன் என்பதை அறிந்துக் கொள்ள உதவினார், எப்படியெனில், முதலாவது திருத்துவத்தில் முதல் நபராகிய பிதாவாக தரிசனமாகி, ஒரே வாக்கியத்தில் எல்லா திட்டங்களையும் சொல்லிக் கொடுத்தார் - 6.ஆபிராம் அந்தத் தேசத்தில் சுற்றித் திரிந்து சீகேம் என்னும் இடத்துக்குச் சமீபமான மோரே என்னும் சமபூமிமட்டும் வந்தான்; அக்காலத்திலே கானானியர் அத்தேசத்தில் இருந்தார்கள். 7.கர்த்தர் ஆபிராமுக்குத் தரிசனமாகி: உன் சந்ததிக்கு இந்தத் தேசத்தைக் கொடுப்பேன் என்றார். அப்பொழுது அவன் தனக்குத் தரிசனமான கர்த்தருக்கு அங்கே ஒரு பலிபீடத்தைக் கட்டினான் - ஆதியாகமம் 12:6-7

இரண்டாவது முறை, திருத்துவத்தில் இரண்டாவது நபராகிய வார்த்தையானவராக தரிசனமாகி, தான் மாம்சத்தில் வெளிப்பட போவதை, உன் கர்ப்பப்பிறப்பாயிருப்பவரே உன் தேவன்[சுதந்தரவாளி] என்று பரம ரகசியங்களை சொல்லிக் கொடுத்தார் - 1.இந்தக் காரியங்கள் நடந்தபின்பு, கர்த்தருடைய வார்த்தை ஆபிராமுக்குத் தரிசனத்திலே உண்டாகி, அவர்: ஆபிராமே, நீ பயப்படாதே; நான் உனக்குக் கேடகமும், உனக்கு மகா பெரிய பலனுமாயிருக்கிறேன் என்றார். 2.அதற்கு ஆபிராம்: கர்த்தராகிய ஆண்டவரே, அடியேனுக்கு என்ன தருவீர்? நான் பிள்ளையில்லாமல் இருக்கிறேனே; தமஸ்கு ஊரானாகிய இந்த எலியேசர் என் வீட்டு விசாரணைக்கர்த்தனாய் இருக்கிறானே என்றான். 3.பின்னும் ஆபிராம்: தேவரீர் எனக்குப் புத்திர சந்தானம் அருளவில்லை; இதோ என் வீட்டிலே பிறந்த பிள்ளை எனக்குச் சுதந்தரவாளியாய் இருக்கிறான் என்றான். 4.அப்பொழுது கர்த்தருடைய வார்த்தை அவனுக்கு உண்டாகி: இவன் உனக்குச் சுதந்தரவாளியல்ல, உன் கர்ப்பப்பிறப்பாயிருப்பவனே உனக்குச் சுதந்தரவாளியாவான் என்று சொல்லி, 5.அவர் அவனை வெளியே அழைத்து: நீ வானத்தை அண்ணாந்துபார், நட்சத்திரங்களை எண்ண உன்னாலே கூடுமானால், அவைகளை எண்ணு என்று சொல்லி; பின்பு அவனை நோக்கி: உன் சந்ததி இவ்வண்ணமாய் இருக்கும் என்றார். 6.அவன் கர்த்தரை விசுவாசித்தான், அதை அவர் அவனுக்கு நீதியாக எண்ணினார் - ஆதியாகமம் 15:1-6 

மூன்றாவது முறை, திருத்துவத்தில் மூன்றாவது பரிசுத்த ஆவியானவர் தரிசனமாகி, ஆபிராம் என்று இருந்தவனை ஆபிரகாமாக மாற்றி, நம்மை தேவனுடைய பிள்ளையாக மாற்றுகிறவர் என்கிற பரம ரகசியத்தையும், ஆபிரகாமுக்குள் இருந்தவராய் பேசி, நமக்குள் வாசம் செய்யும் தேவனாக இருப்பவர் என்கிற பரம ரகசியத்தை கற்றுக் கொடுத்தது, அவனைவிட்டு எழுந்தருளினார் - 1.ஆபிராம் தொண்ணூற்றொன்பது வயதானபோது, கர்த்தர் ஆபிராமுக்குத் தரிசனமாகி: நான் சர்வவல்லமையுள்ள தேவன்; நீ எனக்கு முன்பாக நடந்துகொண்டு உத்தமனாயிரு. 2.நான் உனக்கும் எனக்கும் நடுவாக என் உடன்படிக்கையை ஏற்படுத்தி, உன்னை மிகவும் திரளாய்ப் பெருகப்பண்ணுவேன் என்றார். 3.அப்பொழுது ஆபிராம் முகங்குப்புற விழுந்து வணங்கினான். தேவன் அவனோடே பேசி: 4.நான் உன்னோடே பண்ணுகிற என் உடன்படிக்கை என்னவென்றால், நீ திரளான ஜாதிகளுக்குத் தகப்பனாவாய். 5.இனி உன் பேர் ஆபிராம் என்னப்படாமல், நான் உன்னைத் திரளான ஜாதிகளுக்குத் தகப்பனாக ஏற்படுத்தினபடியால், உன் பேர் ஆபிரகாம் என்னப்படும். 6.உன்னை மிகவும் அதிகமாய்ப் பலுகப்பண்ணி, உன்னிலே ஜாதிகளை உண்டாக்குவேன்; உன்னிடத்திலிருந்து ராஜாக்கள் தோன்றுவார்கள். 7.உனக்கும் உனக்குப் பின்வரும் உன் சந்ததிக்கும் நான் தேவனாயிருக்கும்படி எனக்கும் உனக்கும், உனக்குப்பின் தலைமுறை தலைமுறையாக வரும் உன் சந்ததிக்கும் நடுவே, என் உடன்படிக்கையை நித்திய உடன்படிக்கையாக ஸ்தாபிப்பேன். 8.நீ பரதேசியாய்த் தங்கிவருகிற கானான் தேசமுழுவதையும், உனக்கும் உனக்குப் பின்வரும் உன் சந்ததிக்கும் நித்திய சுதந்தரமாகக் கொடுத்து, நான் அவர்களுக்குத் தேவனாயிருப்பேன் என்றார். 9.பின்னும் தேவன் ஆபிரகாமை நோக்கி: இப்பொழுது நீயும், உனக்குப்பின் தலைமுறை தலைமுறையாக வரும் உன் சந்ததியும், என் உடன்படிக்கையைக் கைக்கொள்ளுங்கள். 10.எனக்கும் உங்களுக்கும், உனக்குப் பின்வரும் உன் சந்ததிக்கும் நடுவே உண்டாகிறதும், நீங்கள் கைக்கொள்ள வேண்டியதுமான என் உடன்படிக்கை என்னவென்றால், உங்களுக்குள் பிறக்கும் சகல ஆண்பிள்ளைகளும் விருத்தசேதனம்பண்ணப்படவேண்டும்; 11.உங்கள் நுனித்தோலின் மாம்சத்தை விருத்தசேதனம்பண்ணக்கடவீர்கள்; அது எனக்கும் உங்களுக்குமுள்ள உடன்படிக்கைக்கு அடையாளமாயிருக்கும். 12.உங்களில் தலைமுறை தலைமுறையாகப் பிறக்கும் ஆண்பிள்ளைகளெல்லாம் எட்டாம் நாளிலே விருத்தசேதனம்பண்ணப்படவேண்டும்; வீட்டிலே பிறந்த பிள்ளையும் உன் வித்தல்லாத அந்நியனிடத்தில் பணத்திற்குக் கொள்ளப்பட்ட எந்தப் பிள்ளையும், அப்படியே விருத்தசேதனம்பண்ணப்படவேண்டும். 13.உன் வீட்டிலே பிறந்த பிள்ளையும், உன் பணத்திற்குக் கொள்ளப்பட்டவனும், விருத்தசேதனம்பண்ணப்படவேண்டியது அவசியம்; இப்படி என் உடன்படிக்கை உங்கள் மாம்சத்திலே நித்திய உடன்படிக்கையாக இருக்கக்கடவது. 14.நுனித்தோலின் மாம்சம் விருத்தசேதனம்பண்ணப்படாதிருக்கிற நுனித்தோலுள்ள ஆண்பிள்ளையிருந்தால், அந்த ஆத்துமா என் உடன்படிக்கையை மீறினபடியால், தன் ஜனத்தில் இராதபடிக்கு அறுப்புண்டுபோவான் என்றார். 15.பின்னும் தேவன் ஆபிரகாமை நோக்கி: உன் மனைவி சாராயை இனி சாராய் என்று அழையாதிருப்பாயாக; சாராள் என்பது அவளுக்குப் பேராயிருக்கும். 16.நான் அவளை ஆசீர்வதித்து, அவளாலே உனக்கு ஒரு குமாரனையும் தருவேன்; அவள் ஜாதிகளுக்குத் தாயாகவும், அவளாலே ஜாதிகளின் ராஜாக்கள் உண்டாகவும், அவளை ஆசீர்வதிப்பேன் என்றார். 17.அப்பொழுது ஆபிரகாம் முகங்குப்புற விழுந்து நகைத்து: நூறுவயதானவனுக்குப் பிள்ளை பிறக்குமோ? தொண்ணூறு வயதான சாராள் பிள்ளை பெறுவாளோ? என்று தன் இருதயத்திலே சொல்லிக்கொண்டு, 18.இஸ்மவேல் உமக்கு முன்பாகப் பிழைப்பானாக! என்று ஆபிரகாம் தேவனிடத்தில் விண்ணப்பம்பண்ணினான். 19.அப்பொழுது தேவன்: உன் மனைவியாகிய சாராள் நிச்சயமாய் உனக்கு ஒரு குமாரனைப் பெறுவாள், அவனுக்கு ஈசாக்கு என்று பேரிடுவாயாக; என் உடன்படிக்கையை அவனுக்கும் அவனுக்குப் பின்வரும் அவன் சந்ததிக்கும் நித்திய உடன்படிக்கையாக ஸ்தாபிப்பேன். 20.இஸ்மவேலுக்காகவும் நீ செய்த விண்ணப்பத்தைக் கேட்டேன்; நான் அவனை ஆசீர்வதித்து, அவனை மிகவும் அதிகமாகப் பலுகவும் பெருகவும் பண்ணுவேன்; அவன் பன்னிரண்டு பிரபுக்களைப் பெறுவான்; அவனைப் பெரிய ஜாதியாக்குவேன். 21.வருகிற வருஷத்தில் குறித்தகாலத்திலே சாராள் உனக்குப் பெறப்போகிற ஈசாக்கோடே நான் என் உடன்படிக்கையை ஏற்படுத்துவேன் என்றார். 22.தேவன் ஆபிரகாமோடே பேசிமுடிந்தபின்பு, அவர் அவனைவிட்டு எழுந்தருளினார் - ஆதியாகமம் 17:1-22


அடுத்த பாகம்: ஈசாக்கின் விளக்கம்