இயேசுவின் தாய்
பாகம் 1: அதோ, உன் தாய்

முதல் பாகம்: இயேசுவின் தாய்

நம்முடைய கர்த்தராகிய இயேசு கிறிஸ்து, சிலுவையில் தன் ஜீவனை விடும் கடைசி வினாடிகளில், தம்முடைய தாயாரிடமும், தமக்கு அன்பாயிருந்த சீஷனிடம் பேசினது யோவான் சுவிசேஷ புஸ்தகத்தில் இவ்வாறு எழுதப்பட்டுள்ளது - 26.அப்பொழுது இயேசு தம்முடைய தாயையும் அருகே நின்ற தமக்கு அன்பாயிருந்த சீஷனையும் கண்டு, தம்முடைய தாயை நோக்கி: ஸ்திரீயே, அதோ, உன் மகன் என்றார். 27.பின்பு அந்தச் சீஷனை நோக்கி: அதோ, உன் தாய் என்றார். அந்நேரமுதல் அந்தச் சீஷன் அவளைத் தன்னிடமாய் ஏற்றுக்கொண்டான். 28.அதன்பின்பு, எல்லாம் முடிந்தது என்று இயேசு அறிந்து, வேதவாக்கியம் நிறைவேறத்தக்கதாக: தாகமாயிருக்கிறேன் என்றார். 29.காடி நிறைந்த பாத்திரம் அங்கே வைக்கப்பட்டிருந்தது; அவர்கள் கடற்காளானைக் காடியிலே தோய்த்து, ஈசோப்புத்தண்டில் மாட்டி, அவர் வாயினிடத்தில் நீட்டிக்கொடுத்தார்கள். 30.இயேசு காடியை வாங்கினபின்பு, முடிந்தது என்று சொல்லி, தலையைச் சாய்த்து, ஆவியை ஒப்புக்கொடுத்தார் - யோவான் 19:26-30


இப்படி கர்த்தர், தம்முடைய தாயாரிடமும், தமக்கு அன்பாயிருந்த சீஷனிடம் பேசினது, படிப்பவர்களின் உள்ளத்தை உடைக்கும் உயிருள்ள வார்த்தைகளாக இருக்கிறது, அதிலும் தமக்கு அன்பாயிருந்த சீஷனிடம் "அதோ உன் தாய்" என்று சொன்னது, கர்த்தர் மனுகுலத்திற்கே தெய்வத்தை அடையாளம் காட்டினது என்று சொல்லி மரியாளை தெய்வமாக வணங்குவோரும் உண்டு, இதுவே ரோமன் கத்தோலிக்க சபையின் ஆதாரமாகவும் இருக்கிறது, அதே சமயத்தில், யோவான் சுவிசேஷ புஸ்தகத்தில் மாத்திரம் சொல்லப்பட்ட இந்த சம்பவம்,  மரியாளுக்கும் யோவனுக்கும் சம்பந்தபட்ட விஷயம், இதில் நமக்கு ஒன்றும் இல்லை என்று சொல்லி, கர்த்தர் பேசின உயிருள்ள வார்த்தைகளை ஒதுக்கி தள்ளுவோரும் உண்டு.


இதை சற்றே பொறுமையாக ஆராய்ந்து, இதன் உண்மையனாக அர்த்ததை அறிந்து தெளிவான முடிவு எடுப்பது அவசியம், ஏனென்றால், நம் இரட்சகராகிய இயேசு கிறிஸ்து "உவமைகள்" மூலமாய் பேசுகிறவராகவே இந்த பூமிக்கு வந்தார் என்றும், உவமைகளின் உண்மையான அர்த்தம், கர்த்தரின் பிள்ளைகளுக்கு மாத்திரமே பரிசுத்த ஆவியனவரால் சொல்லி கொடுக்கப்படும் என்றும் தீர்க்கதரிசனம் உரைக்கிறது - 1.என் ஜனங்களே, என் உபதேசத்தைக் கேளுங்கள்; என் வாயின் வசனங்களுக்கு உங்கள் செவிகளைச் சாயுங்கள். 2.என் வாயை உவமைகளால் திறப்பேன்; பூர்வகாலத்து மறைபொருள்களை வெளிப்படுத்துவேன். 3.அவைகளை நாங்கள் கேள்விப்பட்டு அறிந்தோம்; எங்கள் பிதாக்கள் அவைகளை எங்களுக்குத் தெரிவித்தார்கள். 4.பின்வரும் சந்ததியான பிள்ளைகளுக்கு நாங்கள் அவைகளை மறைக்காமல், கர்த்தரின் துதிகளையும் அவருடைய பலத்தையும், அவர் செய்த அவருடைய அதிசயங்களையும் விவரிப்போம் - சங்கீதம் 78:1-4

உலக வரலாற்றில், எத்தனையோ பேர் உலகரட்சகர்களாக எழும்பினார்கள், ஆனால் யாருமே உவமைகளால் பேசவில்லை,  ஆனால் கர்த்தர் மாத்திரமே உவமைகளினால் பேசினார் என்றும், வேதாகமம் சொன்ன தீர்க்கதரிசனங்கள் அவரிடத்தில் மாத்திரமே நிறைவேறினது என்றும் பார்க்கிறோம் - 34.இவைகளையெல்லாம் இயேசு ஜனங்களோடே உவமைகளாகப் பேசினார்; உவமைகளினாலேயன்றி, அவர்களோடே பேசவில்லை. 35.என் வாயை உவமைகளினால் திறப்பேன்; உலகத்தோற்றமுதல் மறைபொருளானவைகளை வெளிப்படுத்துவேன் என்று தீர்க்கதரிசியால் உரைக்கப்பட்டது நிறைவேறும்படி இப்படி நடந்தது. 36.அப்பொழுது இயேசு ஜனங்களை அனுப்பிவிட்டு வீட்டுக்குப் போனார். அவருடைய சீஷர்கள் அவரிடத்தில் வந்து, நிலத்தின் களைகளைப்பற்றிய உவமையை எங்களுக்கு வெளிப்படுத்தவேண்டுமென்று கேட்டார்கள் - மத்தேயு 13:34-36

உதாரணத்திற்கு, கர்த்தர் "எலியா வந்தாயிற்று" என்று சொன்னால், யோவான் ஸ்நானனைக் குறித்துப் பேசுகிறார் என்று அர்த்தம், கர்த்தர் "என் பிதாவின் வீட்டை வியாபார வீடாக்காதிருங்கள்" என்று சொன்னால், தேவாலயத்தை குறித்துப் பேசுகிறார் என்று அர்த்தம், "இந்த ஆலயத்தை இடித்துப்போடுங்கள்" என்று சொன்னால், கர்த்தர் தன் சிலுவை பாடுகளை குறித்துப் பேசுகிறார் என்று அர்த்தம், "புளித்தமாவைக் குறித்து எச்சரிக்கையாயிருங்கள்" என்றால், பரிசேயர் சதுசேயரை குறித்துப் பேசுகிறார் என்று அர்த்தம், அது மாத்திரம் இல்லாமல், சில வேளைகளில், மக்கள் காரியங்களை தவறாக புரிந்துக் கொள்ளும் பொழுது, அது "மோசே" அல்ல, "பிதாவாகிய தேவன்" என்று சரி செய்ததையும் பார்க்கிறோம்  - இயேசு அவர்களை நோக்கி: வானத்திலிருந்து வந்த அப்பத்தை மோசே உங்களுக்குக் கொடுக்கவில்லை; என் பிதாவோ வானத்திலிருந்து வந்த மெய்யான அப்பத்தை உங்களுக்குக் கொடுக்கிறார் என்று, மெய்யாகவே மெய்யாகவே உங்களுக்குச் சொல்லுகிறேன் - யோவான் 6:32

அப்படியென்றால், பரலோகத்தின் பிள்ளையாம் இயேசு கிறிஸ்து, சிலுவையில் தன் ஜீவனை விடும் கடைசி நேரத்தில் சொன்ன "அதோ உன் தாய்" என்பதும் உவமை தானே? உவமை என்றால், அது மரியாளை குறிக்காமல், வேறொருவரை தானே குறிக்க வேண்டும், அப்படியென்றால் இயேசுவின் தாயாக சிலுவையினருகே கண்ணீரோடு நின்ற அந்த நபர் யார்?

 

கர்த்தரை தெய்வமாக அண்டிக் கொண்டவர்களுக்கு, அவர் உவமைகளின் உண்மையான அர்த்தத்தை சொல்லி கொடுத்து நித்தியஜீவனை அளிக்கிறார் என்றும், மற்றவர்களுக்கோ அந்த உவமைகளே ஆபத்தாய் முடியும் என்றும் வேதாகமம் தெளிவாய் சொல்லுகிறது, காரியம் இப்படி இருக்கும் பொழுது, இயேசு கிறிஸ்து சொன்ன "அதோ உன் தாய்" என்பதின் அர்த்ததையும், நாம் கர்த்தரிடம் கேட்டு அதின் அறிந்து கொள்ள வேண்டியது அவசியமாய் இருக்கிறது - 10.அவர் தனித்திருக்கிறபோது, பன்னிருவரோடுங்கூட அவரைச் சூழ்ந்திருந்தவர்கள் இந்த உவமையைக்குறித்து அவரிடத்தில் கேட்டார்கள். 11.அதற்கு அவர்: தேவனுடைய ராஜ்யத்தின் இரகசியத்தை அறியும்படி உங்களுக்கு அருளப்பட்டது; புறம்பே இருக்கிறவர்களுக்கோ இவைகளெல்லாம் உவமைகளாகச் சொல்லப்படுகிறது. 12.அவர்கள் குணப்படாதபடிக்கும், பாவங்கள் அவர்களுக்கு மன்னிக்கப்படாதபடிக்கும், அவர்கள் கண்டும் காணாதவர்களாகவும், கேட்டும் உணராதவர்களாகவும் இருக்கும்படி, இப்படிச் சொல்லப்படுகிறது என்றார். 13.பின்பு அவர் அவர்களை நோக்கி: இந்த உவமையை நீங்கள் அறியவில்லையா? அறியாவிட்டால் மற்ற உவமைகளையெல்லாம் எப்படி அறிவீர்கள்? 14.விதைக்கிறவன் வசனத்தை விதைக்கிறான். 15.வசனத்தைக் கேட்டவுடனே, சாத்தான் வந்து, அவர்கள் இருதயங்களில் விதைக்கப்பட்ட வசனத்தை எடுத்துப்போடுகிறான். இவர்களே வசனம் விதைக்கப்படுகிற வழியருகானவர்கள். 16.அப்படியே, வசனத்தைக் கேட்டவுடனே அதைச் சந்தோஷத்தோடு ஏற்றுக்கொண்டும், 17.தங்களுக்குள்ளே வேர்கொள்ளாதபடியால், கொஞ்சக்காலமாத்திரம் நிலைத்திருக்கிறார்கள், வசனத்தினிமித்தம் உபத்திரவமும் துன்பமும் உண்டானவுடனே இடறலடைகிறார்கள்; இவர்களே கற்பாறை நிலத்தில் விதைக்கப்பட்டவர்கள். 18.வசனத்தைக் கேட்டும், உலகக்கவலைகளும், ஐசுவரியத்தின் மயக்கமும், மற்றவைகளைப்பற்றி உண்டாகிற இச்சைகளும் உட்பிரவேசித்து, வசனத்தை நெருக்கிப்போட, அதினால் பலனற்றுப்போகிறார்கள்; 19.இவர்களே முள்ளுள்ள இடங்களில் விதைக்கப்பட்டவர்கள். 20.வசனத்தைக் கேட்டு, ஏற்றுக்கொண்டு, ஒன்று முப்பதும், ஒன்று அறுபதும், ஒன்று நூறுமாகப் பலன்கொடுக்கிறார்கள்; இவர்களே நல்ல நிலத்தில் விதைக்கப்பட்டவர்கள் என்றார் - மாற்கு 4:10-20


அடுத்த பாகம்: மோசேயின் உண்மையான தாய்