கோராகின் விளக்கம்
இயேசு கிறிஸ்து திரியேக தேவனாக, அதாவது பிதா, வார்த்தை, பரிசுத்த ஆவியானவரின் தற்சுரூபமாய் இருக்கிறார்

முந்தைய பாகம்: போஜனபானம்பண்ணுகிறவராய் வந்தார்


நம் இரட்சகராகிய இயேசு கிறிஸ்து, வார்த்தையானவரின் குமாரன் மாத்திரம் அல்ல, அவருக்குள் வாசம் செய்த பிதாவின் குமாரனும், பரிசுத்த ஆவியானவரின் குமாரனும் நமக்காக மரணத்தை ருசி பார்த்தார்கள் என்பதை வேதாகம ஆதாரங்களுடன் பார்த்துக் கொண்டிருக்கிறோம், இந்த தொகுப்பிலும் அவர்கள் மூவரின் மரணத்தை குறித்த தீர்க்கதரிசனத்தைப் பார்ப்போம்.

மோசேயும் ஆரோனும் இஸ்ரவேல் மக்களால் மிகவும் மதிக்கப்படும் பாத்திரமாய் இருந்தார்கள், ஆனால் அதற்கு நேர் மாறாக மோசே மற்றும் ஆரோனின் சித்தப்பா மகனாகிய கோராகு ஒரு சாபத்தின் அடையாளமாய் மாறிப்போனார், எப்படியெனில் தேவன் மோசே மற்றும் ஆரோனை தலைவர்களாக நியமித்து இஸ்ரவேல் மக்களை நடத்தி கொண்டு வரும் பொழுது, தேவனுடைய சித்தத்தை அறியாத கோராகு ஒரு சிறு கூட்ட மக்களுடன் சேர்ந்து மோசேக்கும் ஆரோனுக்கும் விரோதமாகக் எழும்பினார் - 1.லேவிக்குப் பிறந்த கோகாத்தின் குமாரனாகிய இத்சேயாரின் மகன் கோராகு என்பவன் ரூபன் வம்சத்திலுள்ள எலியாபின் குமாரராகிய தாத்தானையும் அபிராமையும் பேலேத்தின் குமாரனாகிய ஓனையும் கூட்டிக்கொண்டு, 2.இஸ்ரவேல் புத்திரரில் சபைக்குத் தலைவர்களும் சங்கத்துக்கு அழைக்கப்பட்டவர்களும் பிரபலமானவர்களுமாகிய இருநூற்று ஐம்பது பேர்களோடும்கூட மோசேக்குமுன்பாக எழும்பி, 3.மோசேக்கும் ஆரோனுக்கும் விரோதமாகக் கூட்டங்கூடி, அவர்களை நோக்கி: நீங்கள் மிஞ்சிப்போகிறீர்கள்; சபையார் எல்லாரும் பரிசுத்தமானவர்கள்; கர்த்தர் அவர்கள் நடுவில் இருக்கிறாரே; இப்படியிருக்க, கர்த்தருடைய சபைக்கு மேலாக உங்களை ஏன் உயர்த்துகிறீர்கள் என்றார்கள். 4.மோசே அதைக் கேட்டபோது, முகங்குப்புற விழுந்தான். 5.பின்பு அவன் கோராகையும் அவனுடைய எல்லாக் கூட்டத்தையும் நோக்கி: நாளைக்குக் கர்த்தர் தம்முடையவன் இன்னான் என்றும், தம்மண்டையிலே சேரத் தாம் கட்டளையிட்ட பரிசுத்தவான் இன்னான் என்றும் காண்பிப்பார்; அப்பொழுது எவனைத் தெரிந்துகொள்வாரோ, அவனைத் தம்மிடத்தில் சேரக் கட்டளையிடுவார். 6.ஒன்று செய்யுங்கள்; கோராகே, கோராகின் கூட்டத்தார்களே, நீங்கள் எல்லாரும் தூபகலசங்களை எடுத்துக்கொண்டு, 7.நாளைக்கு அவைகளில் அக்கினிபோட்டு, கர்த்தருடைய சந்நிதியில் தூபவர்க்கம் இடுங்கள்; அப்பொழுது கர்த்தர் எவனைத் தெரிந்துகொள்வாரோ, அவன் பரிசுத்தவானாயிருப்பான்; லேவியின் புத்திரராகிய நீங்களே மிஞ்சிப்போகிறீர்கள் என்றான். 8.பின்னும் மோசே கோராகை நோக்கி: லேவியின் புத்திரரே, கேளுங்கள்; 9.கர்த்தருடைய வாசஸ்தலத்தின் பணிவிடைகளைச் செய்யவும், சபையாரின் முன்நின்று அவர்கள் செய்யவேண்டிய வேலைகளைச் செய்யவும், உங்களைத் தம்மண்டையிலே சேரப்பண்ணும்படி இஸ்ரவேலின் தேவன் இஸ்ரவேல் சபையாரிலிருந்து உங்களைப் பிரித்தெடுத்ததும், 10.அவர் உன்னையும் உன்னோடேகூட லேவியின் புத்திரராகிய உன்னுடைய எல்லாச் சகோதரரையும் சேரப்பண்ணினதும், உங்களுக்கு அற்பகாரியமோ? இப்பொழுது ஆசாரியப்பட்டத்தையும் தேடுகிறீர்களோ? 11.இதற்காக நீயும் உன் கூட்டத்தார் அனைவரும் கர்த்தருக்கு விரோதமாகவே கூட்டங்கூடினீர்கள்; ஆரோனுக்கு விரோதமாக நீங்கள் முறுமுறுக்கிறதற்கு அவன் எம்மாத்திரம் என்றான். 12.பின்பு மோசே எலியாபின் குமாரராகிய தாத்தானையும் அபிராமையும் அழைத்தனுப்பினான். அவர்கள்: நாங்கள் வருகிறதில்லை; 13.இந்த வனாந்தரத்தில் எங்களைக் கொன்றுபோடும்படி, பாலும் தேனும் ஓடுகிற தேசத்திலிருந்து எங்களைக் கொண்டுவந்தது அற்பகாரியமோ, எங்கள்மேல் துரைத்தனமும் பண்ணப்பார்க்கிறாயோ? 14.மேலும் நீ எங்களைப் பாலும் தேனும் ஓடுகிற தேசத்துக்குக் கொண்டுவந்ததும் இல்லை, எங்களுக்கு வயல்களையும் திராட்சத்தோட்டங்களையும் சுதந்தரமாகக் கொடுத்ததும் இல்லை; இந்த மனிதருடைய கண்களைப் பிடுங்கப்பார்க்கிறாயோ? நாங்கள் வருகிறதில்லை என்றார்கள் - எண்ணாகமம் 16:8-14

இதினிமித்தம் தேவனுடைய கோபாக்கினைக்கு ஆளான கோராகு, ஒரு பரிதாபமான மரணத்தை சந்தித்தார், பூமி பிளந்து கோராகை உயிரோடே எல்லா இஸ்ரவேலர் முன்பும் விழுங்கினதினால், அவரின் மரணம் ஒரு பேச்சு பொருளாகி, கோராகு ஒரு சாபத்தின் அடையாளமாகவே மாறி விட்டார் - 28.அப்பொழுது மோசே: இந்தக் கிரியைகளையெல்லாம் செய்கிறதற்குக் கர்த்தர் என்னை அனுப்பினார் என்றும், அவைகளை நான் என் மனதின்படியே செய்யவில்லை என்றும், நீங்கள் எதினாலே அறிவீர்களென்றால், 29.சகல மனிதரும் சாகிறபடி இவர்கள் செத்து, சகல மனிதருக்கும் நேரிடுகிறதுபோல இவர்களுக்கும் நேரிட்டால், கர்த்தர் என்னை அனுப்பவில்லை என்று அறிவீர்கள். 30.கர்த்தர் ஒரு புதிய காரியத்தை நேரிடச்செய்வதால், பூமி தன் வாயைத் திறந்து, இவர்கள் உயிரோடே பாதாளத்தில் இறங்கத்தக்கதாக இவர்களையும் இவர்களுக்கு உண்டான யாவையும் விழுங்கிப்போட்டதேயானால், இந்த மனிதர் கர்த்தரை அவமதித்தார்கள் என்பதை அறிந்துகொள்வீர்கள் என்றான். 31.அவன் இந்த வார்த்தைகளையெல்லாம் சொல்லி முடித்தவுடனே, அவர்கள் நின்றிருந்த நிலம் பிளந்தது; 32.பூமி தன் வாயைத் திறந்து, அவர்களையும் அவர்கள் வீடுகளையும், கோராகுக்குரிய எல்லா மனிதரையும், அவர்களுக்கு உண்டான சகல பொருள்களையும் விழுங்கிப்போட்டது. 33.அவர்கள் தங்களுக்கு உண்டானவை எல்லாவற்றோடும் உயிரோடே பாதாளத்தில் இறங்கினார்கள்; பூமி அவர்களை மூடிக்கொண்டது; இப்படிச் சபையின் நடுவிலிருந்து அழிந்துபோனார்கள் - எண்ணாகமம் 16:28-33


இந்த கோராகின் மரணம், இயேசு கிறிஸ்துவின் சிலுவை மரணத்தை குறித்த ஒரு தீர்க்கதரிசனமாய் இருந்ததினால், அதை "ஒரு அடையாளம்" என்று வேதாகமம் சொல்லுகிறது, எப்படியெனில் நம் கர்த்தராகிய இயேசு கிறிஸ்து நம்முடைய பாவங்களையெல்லாம் தன் மேல் சுமந்தவராய், ஒரு குற்றவாளியை போல தேவனுடைய கோபாக்கினைக்கு ஆளாகி, சிலுவை மரணத்தை சசந்தித்ததை தான் இந்த கோராகின் மரணம் தீர்க்கதரிசனமாக அறிவித்தது.

ஆனால் இந்த கோராகுடன் தாத்தான், அபிராம் என்னும் இரண்டு பேரும் பூமியால் விழுங்கப்பட்டு அடையாளமானார்களாம், அது இயேசு கிறிஸ்துவுக்குள் வாசம் செய்த பிதாவின் குமாரனும், பரிசுத்த ஆவியானவரின் குமாரனும் நமக்காக மரணத்தை சந்திக்க வேண்டும் என்பதை அறிவித்தது, அதனால் தான் கோராகுடன் அநேகர் இருந்தாலும், கோராகு, தாத்தான், அபிராம் என்கிற மூவர் மாத்திரம் பூமியால் விழுங்கப்பட்டு மரணமடைந்தார்கள் - 9.எலியாபின் குமாரர் நேமுவேல், தாத்தான், அபிராம் என்பவர்கள்; இந்தத் தாத்தான் அபிராம் என்பவர்களே சபையில் பேர்பெற்றவர்களாயிருந்து, கர்த்தருக்கு விரோதமாகப் போராட்டம்பண்ணி, கோராகின் கூட்டாளிகளாகி, மோசேக்கும் ஆரோனுக்கும் விரோதமாக விவாதம்பண்ணினவர்கள். 10.பூமி தன் வாயைத் திறந்து, அவர்களையும் கோராகையும் விழுங்கினதினாலும், அக்கினி இருநூற்று ஐம்பதுபேரைப் பட்சித்ததினாலும், அந்தக் கூட்டத்தார் செத்து, ஒரு அடையாளமானார்கள் - எண்ணாகமம் 26:9-10 

வாசல் காக்கும் ஊழியம்

இப்படியாக கோராகின் மரணம், இயேசு கிறிஸ்துவின் சிலுவை மரணத்தை தீர்க்கதரிசனமாய் அறிவித்தாலும், இந்த உலகத்தாரின் பார்வையில் அவர்கள் ஒரு சாபத்தின் அடையாளமாக தான் இருந்தார்கள், அதனால் லேவி கோத்திரத்தை சேர்ந்த அவர்கள் மிகவும் தாழ்த்தப்பட்டவர்களாய் வாசல் காக்கும் ஊழியத்தை செய்து வந்தார்கள்  - கோராகின் குமாரனாகிய எபியாசாபுக்குப் பிறந்த கோரேயின் மகன் சல்லூமும், அவன் பிதாவின் வம்சத்தாராகிய அவனுடைய சகோதரருமான கோராகியர் பணிவிடைவேலையை விசாரித்து, அவர்கள் பிதாக்கள் கர்த்தருடைய பாளயத்திலே வாசஸ்தலத்திற்குப்போகிற வழியைக் காவல்காத்ததுபோல, வாசஸ்தலத்து வாசல்களைக் காத்துவந்தார்கள் - I நாளாகமம் 9:19

கோராகின் சந்ததியார்

இந்த கோராகின் சந்ததியில் வந்தவர்கள் தான் எல்க்கானா, அன்னாள், மற்றும் அவர்களின் குமாரனாகிய சாமுவேல் தீர்க்கதரிசி - 32.சாலொமோன் எருசலேமிலே கர்த்தருடைய ஆலயத்தைக் கட்டித் தீருமட்டும் ஆசரிப்புக்கூடார வாசஸ்தலத்திற்கு முன்பாக சங்கீத சேவையுடன் தங்கள் முறைமையின்படியே பணிவிடை செய்துவந்தவர்களுமாகிய மனுஷரும் அவர்கள் குமாரருமானவர்கள். 33.கோகாத்தியரின் குமாரரில் ஏமான் என்னும் பாடகன்; இவன் யோவேலின் குமாரன்; இவன் சாமுவேலின் குமாரன். 34.இவன் எல்க்கானாவின் குமாரன்; இவன் யெரொகாமின் குமாரன்; இவன் எலியேலின் குமாரன்; இவன் தோவாகின் குமாரன். 35.இவன் சூப்பின் குமாரன்; இவன் இல்க்கானாவின் குமாரன்; இவன் மாகாத்தின் குமாரன்; இவன் அமாசாயின் குமாரன். 36.இவன் எல்க்கானாவின் குமாரன்; இவன் யோவேலின் குமாரன்; இவன் அசரியாவின் குமாரன்; இவன் செப்பனியாவின் குமாரன். 37.இவன் தாகாதின் குமாரன்; இவன் ஆசீரின் குமாரன்; இவன் எபியாசாப்பின் குமாரன்; இவன் கோராகின் குமாரன். 38.இவன் இத்சாரின் குமாரன்; இவன் கோகாத்தின் குமாரன்; இவன் இஸ்ரவேலின் குமாரனாகிய லேவியின் குமாரன் - I நாளாகமம் 6

இப்படியாக வாசல் காக்கும் ஊழியத்தை செய்து வந்தவர்களின் சந்ததியில் பிறந்த படியால், சிறுவனாகிய சாமுவேலும் சணல்நூல் ஏபோத்தைத் தரித்தவராய் ஊழியம் செய்து வந்தார், அதற்கு காரணம் அவரின் தாயாராகிய அன்னாளும் தான், அன்னாள் சாமுவேலுக்கு உயர் தரமான ஆசாரிய ஊழிய உடையை தைத்துக் கொண்டு வராமல், வாசல் காக்கும் ஊழியம் செய்வோர் அணியும் உயரம் குறைவான சட்டையை கொடுத்து வாசல் காக்கும் ஊழியம் செய்ய ஊக்கப்படுத்தினார் - 18.சாமுவேல் என்னும் பிள்ளையாண்டான் சணல்நூல் ஏபோத்தைத் தரித்தவனாய்க் கர்த்தருக்கு முன்பாகப் பணிவிடை செய்தான். 19.அவனுடைய தாய் வருஷந்தோறும் செலுத்தும் பலியைச் செலுத்துகிறதற்காக, தன் புருஷனோடேகூட வருகிறபோதெல்லாம், அவனுக்கு ஒரு சின்னச் சட்டையைத் தைத்துக் கொண்டு வருவாள் - I சாமுவேல் 2:18-19   

அதனால் தான் சாமுவேல், கர்த்தருடைய ஆலயத்தில் தேவனுடைய விளக்கு அணைந்துபோகுமுன்னே படுத்து, விடியற்காலமே எழுந்து கர்த்தருடைய ஆலயத்தின் கதவுகளைத் திறக்கிறவராய் இருந்தார் - சாமுவேல் விடியற்காலமட்டும் படுத்திருந்து, கர்த்தருடைய ஆலயத்தின் கதவுகளைத் திறந்தான் - I சாமுவேல் 3:15a

அன்னாளின் விளக்கம்

இந்த அன்னாள், தேவன் தனக்கு கிருபை பாராட்டி, மலடியாய் இருந்த தனக்கு சாமுவேல் என்னும் குமாரனை தந்த படியால், அவள் செலுத்தின பலி இயேசு கிறிஸ்துவை குறித்த இரகசியங்களை அறிவிக்கிறது, அவள் இயேசு கிறிஸ்துவின் மரணத்தை சுவிஷேசமாக அறிவிக்க காளைகளையும், இயேசு கிறிஸ்துவுக்குள் வாசம் செய்த பிதாவானவரின் குமாரனின் மரணத்தை அறிவிக்க ஒரு மரக்கால் மாவையும் [போஜனபலியையும்], பரிசுத்த ஆவியானவரின் குமாரனின் மரணத்தை அறிவிக்க ஒரு துருத்தி திராட்சரசத்தையும் [பானபலியையும்] கொண்டு வந்தாள் - 24.அவள் அவனைப் பால்மறக்கப்பண்ணினபின்பு, மூன்று காளைகளையும், ஒரு மரக்கால் மாவையும், ஒரு துருத்தி திராட்சரசத்தையும் எடுத்துக்கொண்டு, அவனையும் கூட்டிக்கொண்டு, சீலோவிலிருக்கிற கர்த்தருடைய ஆலயத்துக்குப் போனாள்; பிள்ளை இன்னும் குழந்தையாயிருந்தது. 25.அவர்கள் ஒரு காளையைப் பலியிட்டு, பிள்ளையை ஏலியினிடத்தில் கொண்டுவந்து விட்டார்கள். 26.அப்பொழுது அவள்: என் ஆண்டவனே, இங்கே உம்மண்டையிலே நின்று கர்த்தரை நோக்கி விண்ணப்பம்பண்ணின ஸ்திரீ நான் தான் என்று என் ஆண்டவனாகிய உம்முடைய ஜீவனைக்கொண்டு சொல்லுகிறேன். 27.இந்தப் பிள்ளைக்காக விண்ணப்பம்பண்ணினேன்; நான் கர்த்தரிடத்தில் கேட்ட என் விண்ணப்பத்தின்படி எனக்குக் கட்டளையிட்டார். 28.ஆகையால் அவன் கர்த்தருக்கென்று கேட்கப்பட்டபடியினால், அவன் உயிரோடிருக்கும் சகல நாளும் அவனைக் கர்த்தருக்கே ஒப்புக்கொடுக்கிறேன் என்றாள்; அவன் அங்கே கர்த்தரைப் பணிந்துகொண்டான்  - 1 Samuel 1:24-28

இப்படி அன்னாள் கொண்டு வந்த மூன்று காளை, ஒரு மரக்கால் மாவு, ஒரு துருத்தி திராட்சரசம், நம் இரட்சகராம் இயேசு கிறிஸ்துவின் திருத்துவதையே குறிக்கிறது, மேலும் அன்னாள் கொண்டு வந்த மூன்று காளையில் "மூன்று" என்கிற எபிரேய வார்த்தைக்கு "மூன்றில் ஒரு பாகம்" என்கிற அர்த்தமும் உண்டு, ஆங்கில மொழிபெயர்ப்புகளில் "மூன்று காளை" என்பதற்கு பதிலாக "மூன்று வயது காளை" என்று மொழிபெயர்த்திருக்கிறார்கள் - 24.And when she had weaned him, she took him up with her, along with a three-year-old bull, an ephah of flour, and a skin of wine, and she brought him to the house of the Lord at Shiloh. And the child was young. 25.Then they slaughtered the bull, and they brought the child to Eli - 1 Samuel 1:24-25

சாமுவேலின் விளக்கம்

இப்படி அன்னாள் மூலமாக தன்னுடைய திருத்துவதை வெளிப்படுத்திய இயேசு கிறிஸ்து, அன்னாளின் குமாரனாகிய சாமுவேலின் மூலமாகவும் தன்னுடைய திருத்துவதை வெளிப்படுத்தி இருந்தார், எப்படியெனில் சாமுவேலை மூன்று முறை அழைத்த இயேசு கிறிஸ்து, அதாவது பிதாவாகவும், வார்த்தையானவராகவும், பரிசுத்த ஆவியானவராகவும் சாமுவேலை அழைத்த பொழுது, சிறுவனாய் இருந்த சாமுவேல் கர்த்தரின் திருத்துவதை அறிந்து கொள்ள முடியாமல் ஏலியினிடத்தில் போய் விசாரித்தான், அதனால் தான் கர்த்தர் சாமுவேலைக் இரண்டாம்விசை அழைத்த பொழுது, "கர்த்தருடைய வார்த்தை அவனுக்கு இன்னும் வெளிப்படவில்லை", அதாவது வார்த்தையானவரே மெசியாவாக வெளிப்படுவார் என்பதை சாமுவேல் அறிந்துக் கொள்ளவில்லை என்று குறிப்பிடப்பட்டுள்ளது - 1.சாமுவேல் என்னும் பிள்ளையாண்டான் ஏலிக்கு முன்பாகக் கர்த்தருக்குப் பணிவிடை செய்துகொண்டிருந்தான்; அந்நாட்களிலே கர்த்தருடைய வசனம் அபூர்வமாயிருந்தது; பிரத்தியட்சமான தரிசனம் இருந்ததில்லை. 2.ஒருநாள் ஏலி தன்னுடைய ஸ்தானத்திலே படுத்துக்கொண்டிருந்தான்; அவன் பார்க்கக்கூடாதபடிக்கு அவனுடைய கண்கள் இருளடைந்திருந்தது. 3.தேவனுடைய பெட்டி இருக்கிற கர்த்தருடைய ஆலயத்தில் தேவனுடைய விளக்கு அணைந்துபோகுமுன்னே சாமுவேலும் படுத்துக்கொண்டிருந்தான். 4.அப்பொழுது கர்த்தர், சாமுவேலைக் கூப்பிட்டார். அதற்கு அவன்: இதோ, இருக்கிறேன் என்று சொல்லி, 5.ஏலியினிடத்தில் ஓடி, இதோ, இருக்கிறேன்; என்னைக் கூப்பிட்டீரே என்றான். அதற்கு அவன்: நான் கூப்பிடவில்லை, திரும்பிப்போய்ப் படுத்துக்கொள் என்றான்; அவன் போய்ப்படுத்துக்கொண்டான். 6.மறுபடியும் கர்த்தர் சாமுவேலே என்று கூப்பிட்டார்; அப்பொழுது சாமுவேல் எழுந்திருந்து ஏலியினிடத்தில் போய்: இதோ, இருக்கிறேன்; என்னைக் கூப்பிட்டீரே என்றான். அதற்கு அவன்: என் மகனே, நான் உன்னைக் கூப்பிடவில்லை. திரும்பிப்போய்ப் படுத்துக்கொள் என்றான். 7.சாமுவேல் கர்த்தரை இன்னும் அறியாதிருந்தான்; கர்த்தருடைய வார்த்தை அவனுக்கு இன்னும் வெளிப்படவில்லை. 8a.கர்த்தர் மறுபடியும் மூன்றாம்விசை: சாமுவேலே என்று கூப்பிட்டார். அவன் எழுந்திருந்து ஏலியினிடத்தில் போய், இதோ, இருக்கிறேன்; என்னைக் கூப்பிட்டீரே என்றான் - I சாமுவேல் 3:3-8a

 

கர்த்தரின் திருத்துவதை அறிந்த ஏலி, சாமுவேல் மூன்றாம் விசையும் அழைக்கப்பட்ட பொழுது தான், அழைப்பவர் நம் கர்த்தராகிய இயேசு கிறிஸ்து என்பதை அறிந்துக் கொண்டு சாமுவேலுக்கு ஆலோசனை சொன்னார் - 8b.அப்பொழுது கர்த்தர் பிள்ளையாண்டானைக் கூப்பிடுகிறார் என்று ஏலி அறிந்து, 9.சாமுவேலை நோக்கி: நீ போய்ப்படுத்துக்கொள்; உன்னைக் கூப்பிட்டால், அப்பொழுது நீ: கர்த்தாவே சொல்லும்; அடியேன் கேட்கிறேன் என்று சொல் என்றான்; சாமுவேல் போய், தன்னுடைய ஸ்தானத்திலே படுத்துக்கொண்டான் 10.அப்பொழுது கர்த்தர் வந்து நின்று, முன்போல: சாமுவேலே சாமுவேலே என்று கூப்பிட்டார்; அதற்குச் சாமுவேல்: சொல்லும்; அடியேன் கேட்கிறேன் என்றான். 11.கர்த்தர் சாமுவேலை நோக்கி: இதோ, நான் இஸ்ரவேலில் ஒரு காரியத்தைச் செய்வேன்; அதைக் கேட்கிற ஒவ்வொருவனுடைய இரண்டு காதுகளிலும் அது தொனித்துக்கொண்டிருக்கும். 12.நான் ஏலியின் குடும்பத்திற்கு விரோதமாகச் சொன்ன யாவையும், அவன்மேல் அந்நாளிலே வரப்பண்ணுவேன்; அதைத் தொடங்கவும் அதை முடிக்கவும் போகிறேன். 13.அவன் குமாரர் தங்கள்மேல் சாபத்தை வரப்பண்ணுகிறதை அவன் அறிந்திருந்தும், அவர்களை அடக்காமற்போன பாவத்தினிமித்தம், நான் அவன் குடும்பத்துக்கு என்றும் நீங்காத நியாயத்தீர்ப்புச் செய்வேன் என்று அவனுக்கு அறிவித்தேன். 14.அதினிமித்தம் ஏலியின் குடும்பத்தார் செய்த அக்கிரமம் ஒருபோதும் பலியினாலாவது காணிக்கையினாலாவது நிவிர்த்தியாவதில்லை என்று ஏலியின் குடும்பத்தைக்குறித்து ஆணையிட்டிருக்கிறேன் என்றார். 15.சாமுவேல் விடியற்காலமட்டும் படுத்திருந்து, கர்த்தருடைய ஆலயத்தின் கதவுகளைத் திறந்தான்; சாமுவேல் ஏலிக்கு அந்தத் தரிசனத்தை அறிவிக்கப் பயந்தான். 16.ஏலியோ: சாமுவேலே, என் மகனே என்று சாமுவேலைக் கூப்பிட்டான். அவன்: இதோ, இருக்கிறேன் என்றான். 17.அப்பொழுது அவன்: கர்த்தர் உன்னிடத்தில் சொன்ன காரியம் என்ன? எனக்கு அதை மறைக்கவேண்டாம்; அவர் உன்னிடத்தில் சொன்ன சகல காரியத்திலும் யாதொன்றை எனக்கு மறைத்தாயானால், தேவன் உனக்கு அதற்குச் சரியாகவும் அதற்கு அதிகமாகவும் செய்வாராக என்றான். 18.அப்பொழுது சாமுவேல் ஒன்றையும் அவனுக்கு மறைக்காமல், அந்தக் காரியங்களையெல்லாம் அவனுக்கு அறிவித்தான். அதற்கு அவன்: அவர் கர்த்தர்; அவர் தமது பார்வைக்கு நலமானதைச் செய்வாராக என்றான். 19.சாமுவேல் வளர்ந்தான்; கர்த்தர் அவனுடனேகூட இருந்தார்; அவர் தம்முடைய எல்லா வார்த்தைகளிலும் ஒன்றையாகிலும் தரையிலே விழுந்து போகவிடவில்லை. 20.சாமுவேல் கர்த்தருடைய தீர்க்கதரிசிதான் என்று தாண்முதல் பெயெர்செபாமட்டுமுள்ள சகல இஸ்ரவேலருக்கும் விளங்கினது - I சாமுவேல் 3:10-21

அதன் பின்பு, தேவன் சீலோவிலே தம்முடைய வார்த்தையினாலே சாமுவேலுக்குத் தம்மை வெளிப்படுத்தினார், அதாவது வார்த்தையானவரே மெசியாவாக வெளிப்படுவார் என்று சொல்லிக் கொடுத்தார் -  21.கர்த்தர் பின்னும் சீலோவிலே தரிசனம் தந்தருளினார்; கர்த்தர் சீலோவிலே தம்முடைய வார்த்தையினாலே சாமுவேலுக்குத் தம்மை வெளிப்படுத்தினார் - I சாமுவேல் 3:10-21

கோராகின் புத்திரரின் விளக்கம்

உலகத்தாரின் பார்வையில் கோராகின் சந்ததியாருக்கு மரியாதை கிடையாது, அவர்கள் மிகவும் தாழ்த்தப்பட்டவர்களாய் வாசல் காக்கும் ஊழியத்தை தான் செய்து வந்தார்கள் - வாசல்காக்கிறவர்களின் வகுப்புகளாவன: கோராகியர் சந்ததியான ஆசாபின் புத்திரரிலே கோரேயின் குமாரன் மெஷெலேமியா என்பவன் - I நாளாகமம் 26:1

ஆனாலும் தேவனுக்கு அவர்கள் மிகவும் விஷேசித்தவர்கள், அதனால் தான் நாளாகமம் புத்தகம் 26ம் அதிகாரத்தில் கோராகின் சந்ததியாரின் பெயர் முதலாவது சொல்லப்பட்டு, பொக்கிஷப் பிரதானியாயிருந்த மோசேயின் சந்ததியாரின் பெயர் கடைசியாக சொல்லப்பட்டுள்ளது - 24.மோசேயின் குமாரனாகிய கெர்சோமின் சந்ததியான செபுவேல் பொக்கிஷப் பிரதானியாயிருந்தான். 25.எலியேசர் மூலமாய் அவனுக்கு இருந்த சகோதரரானவர்கள், இவன் குமாரன் ரெகபியாவும், இவன் குமாரன் எஷாயாவும், இவன் குமாரன் யோராமும், இவன் குமாரன் சிக்கிரியும், இவன் குமாரன் செலோமித்துமே. 26.ராஜாவாகிய தாவீதும், ஆயிரம்பேருக்கு அதிபதிகளும், நூறுபேருக்கு அதிபதிகளுமான பிதாக்களின் தலைவரும், சேனாபதிகளும் யுத்தத்தில் அகப்பட்ட கொள்ளைகளில் எடுத்து, 27.கர்த்தருடைய ஆலயத்தைப் பரிபாலிக்கும்படிக்குப் பரிசுத்தம் என்று நேர்ந்துகொண்ட பொருள்களின் பொக்கிஷங்களையெல்லாம் அந்தச் செலோமித்தும் அவனுடைய சகோதரரும் விசாரித்தார்கள் - I நாளாகமம் 26:24-27


இந்த கோராகின் புத்திரருக்கு, தேவன் தன்னுடைய ஒரே பேரான குமாரனை குறித்த இரகசியங்களையும், இயேசு கிறிஸ்துவை துதித்து பாடும் கிருபைகளையும் கொடுத்தார், சங்கீதகாரனாகிய தாவீது, பாடல்களை எழுதி கோராகின் புத்திரரிடம் தான் கொடுக்க முடிந்தது, உயர் பதவியில் இருந்த மோசேயின் சந்ததியாரிடமோ அல்லது ஆரோனின் சந்ததியாரிடமோ தாவீதினால் கொடுக்க முடியவில்லை.

உதாரணத்திற்கு கோராகின் புத்திரர் பாடிய மஸ்கீல் என்னும் சங்கீதத்தில், கர்த்தராகிய இயேசு கிறிஸ்துவின் திரித்துவத்தை குறித்து சொல்லும் பொழுது, தேவனுடைய வலதுகரம், தேவனுடைய புயம், மற்றும் தேவனுடைய முகத்தின் பிரகாசம் என்று சொல்லி, நம் இரட்சகராகிய இயேசு கிறிஸ்து வார்த்தையானவரின் குமாரன் மாத்திரம் அல்ல, அவர் பிதாவின் குமாரனும், பரிசுத்த ஆவியானவரின் குமாரனுமாய் இருக்கிறார் என்று பாடியுள்ளனர் - 1.தேவனே, எங்கள் பிதாக்களுடைய நாட்களாகிய பூர்வநாட்களில் நீர் நடப்பித்த கிரியைகளை அவர்கள் எங்களுக்கு அறிவித்தார்கள்; அவைகளை எங்கள் காதுகளால் கேட்டோம். 2.தேவரீர் உம்முடைய கையினாலே ஜாதிகளைத் துரத்தி, இவர்களை நாட்டி; ஜனங்களைத் துன்பப்படுத்தி, இவர்களைப் பரவப்பண்ணினீர். 3.அவர்கள் தங்கள் பட்டயத்தால் தேசத்தைக் கட்டிக்கொள்ளவில்லை; அவர்கள் புயமும் அவர்களை இரட்சிக்கவில்லை; நீர் அவர்கள்மேல் பிரியமாயிருந்தபடியால், உம்முடைய வலதுகரமும், உம்முடைய புயமும், உம்முடைய முகத்தின் பிரகாசமும் அவர்களை இரட்சித்தது. 4.தேவனே, நீர் என் ராஜா; யாக்கோபுக்கு இரட்சிப்பைக் கட்டளையிடும் - சங்கீதம் 44:1-4

மேலும் கர்த்தரின் சிலுவை பாடுகளை குறித்தும் சொல்லும் பொழுது, வார்த்தையானவரின் குமாரனோடு,பிதாவின் குமாரனும், பரிசுத்த ஆவியானவரின் குமாரனும் நமக்காக மரணத்தை ருசிக்க வேண்டும் என்பதினால், "எங்களை ஆடுகளைப்போல இரையாக ஒப்புக்கொடுத்து" என பன்மையில் சொல்லி பாடியுள்ளனர் - 5.உம்மாலே எங்கள் சத்துருக்களைக் கீழே விழத்தாக்கி, எங்களுக்கு விரோதமாய் எழும்புகிறவர்களை உம்முடைய நாமத்தினால் மிதிப்போம். 6.என் வில்லை நான் நம்பேன்; என் பட்டயம் என்னை இரட்சிப்பதில்லை. 7.நீரே எங்கள் சத்துருக்களினின்று எங்களை இரட்சித்து, எங்களைப் பகைக்கிறவர்களை வெட்கப்படுத்துகிறீர். 8.தேவனுக்குள் நித்தம் மேன்மைபாராட்டுவோம்; உமது நாமத்தை என்றென்றைக்கும் துதிப்போம். (சேலா.) 9.நீர் எங்களைத் தள்ளிவிட்டு, நாணப்பண்ணுகிறீர்; எங்கள் சேனைகளுடனே செல்லாதிருக்கிறீர். 10.சத்துருவுக்கு நாங்கள் இடைந்து பின்னிட்டுத் திரும்பிப்போகப்பண்ணுகிறீர்; எங்கள் பகைஞர் தங்களுக்கென்று எங்களைக் கொள்ளையிடுகிறார்கள். 11.நீர் எங்களை ஆடுகளைப்போல இரையாக ஒப்புக்கொடுத்து, ஜாதிகளுக்குள்ளே எங்களைச் சிதறடிக்கிறீர். 12.நீர் உம்முடைய ஜனங்களை இலவசமாக விற்கிறீர்; அவர்கள் கிரயத்தினால் உமக்கு லாபமில்லையே - சங்கீதம் 44:5-12


மேலும் நமக்காக மரணத்தை ருசித்த கர்த்தர் உயிரோடு எழுந்திருக்க வேண்டும் என்பதை தீர்க்க தரிசனமாக "ஆண்டவரே, விழித்துக்கொள்ளும், ஏன் நித்திரைபண்ணுகிறீர்?" என்று பாடியுள்ளனர் - 13.எங்கள் அயலாருக்கு எங்களை நிந்தையாகவும், எங்கள் சுற்றுப்புறத்தாருக்குப் பரியாசமும் சக்கந்தமுமாகவும் வைக்கிறீர். 14.நாங்கள் ஜாதிகளுக்குள்ளே பழமொழியாயிருக்கவும், ஜனங்கள் எங்களைக்குறித்துத் தலைதுலுக்கவும் செய்கிறீர். 15.நிந்தித்துத் தூஷிக்கிறவனுடைய சத்தத்தினிமித்தமும், சத்துருவினிமித்தமும், பழிவாங்குகிறவனிமித்தமும், 16.என் இலச்சை நித்தம் எனக்கு முன்பாக இருக்கிறது; என் முகத்தின் வெட்கம் என்னை மூடுகிறது. 17.இவையெல்லாம் எங்கள்மேல் வந்திருந்தும், உம்மை நாங்கள் மறக்கவும் இல்லை, உம்முடைய உடன்படிக்கைக்குத் துரோகம்பண்ணவும் இல்லை. 18.நீர் எங்களை வலுசர்ப்பங்களுள்ள இடத்திலே நொறுக்கி, மரண இருளினாலே எங்களை மூடியிருந்தும், 19.எங்கள் இருதயம் பின்வாங்கவும் இல்லை, எங்கள் காலடி உம்முடைய பாதையை விட்டு விலகவும் இல்லை. 20.நாங்கள் எங்கள் தேவனுடைய நாமத்தை மறந்து, அந்நியதேவனை நோக்கிக் கையெடுத்திருந்தோமானால், 21.தேவன் அதை ஆராய்ந்து, விசாரியாதிருப்பாரோ? இருதயத்தின் அந்தரங்கங்களை அவர் அறிந்திருக்கிறாரே. 22.உமது நிமித்தம் எந்நேரமும் கொல்லப்படுகிறோம்; அடிக்கப்படும் ஆடுகளைப்போல எண்ணப்படுகிறோம். 23.ஆண்டவரே, விழித்துக்கொள்ளும்; ஏன் நித்திரைபண்ணுகிறீர்? எழுந்தருளும், எங்களை என்றைக்கும் தள்ளிவிடாதிரும். 24.ஏன் உம்முடைய முகத்தை மறைத்து, எங்கள் சிறுமையையும் எங்கள் நெருக்கத்தையும் மறந்துவிடுகிறீர்? 25.எங்கள் ஆத்துமா புழுதிமட்டும் தாழ்ந்திருக்கிறது; எங்கள் வயிறு தரையோடு ஒட்டியிருக்கிறது. 26.எங்களுக்கு ஒத்தாசையாக எழுந்தருளும்; உம்முடைய கிருபையினிமித்தம் எங்களை மீட்டுவிடும் - சங்கீதம் 44:13-26

அடுத்த பாகம்: ஏசாயாவின் விளக்கம்