யாக்கோபின் விளக்கம்
இயேசு கிறிஸ்து திரியேக தேவனாக, அதாவது பிதா, வார்த்தை, பரிசுத்த ஆவியானவரின் தற்சுரூபமாய் இருக்கிறார்

முந்தைய பாகம்: சாராளின் விளக்கம்

நம் இரட்சகராகிய இயேசு கிறிஸ்து, வார்த்தையானவரின் குமாரன் மாத்திரம் அல்ல, அவருக்குள் பிதாவின் குமாரனும், பரிசுத்த ஆவியானவரின் குமாரனும் வாசம் செய்தார்கள், இப்படியாக நம் கர்த்தர் திரியேக தேவனாக இருக்கிறார் என்பதை கடந்த தொகுப்புகளில் பார்த்தோம், இந்த தொகுப்பில் யாக்கோபின் வாழ்க்கையில் கர்த்தர் தன்னுடைய திருத்துவதை எப்படி வெளிப்படுத்தினார் என்பதை பார்ப்போம்.


தேவனால் ஆசிர்வதிக்கப்பட்டு சீமானாயிருந்த ஆபிரகாமின் பேரனும், ஈசாக்கின் குமாரனுமாகிய யாக்கோபு, தனது 77வது வயதில், தலையனைக்கு பதிலாக கல்லை வைத்து தூங்கும் ஒரு பரதேசியாய், வெறும் கோலும் கையுமாய், பெயெர்செபாவிலிருந்து ஆரானுக்கு சென்றார் - 10.யாக்கோபு பெயெர்செபாவை விட்டுப் புறப்பட்டு ஆரானுக்குப் போகப் பிரயாணம்பண்ணி, 11.ஒரு இடத்திலே வந்து, சூரியன் அஸ்தமித்தபடியினால், அங்கே ராத்தங்கி, அவ்விடத்துக் கற்களில் ஒன்றை எடுத்து, தன் தலையின்கீழ் வைத்து, அங்கே நித்திரை செய்யும்படி படுத்துக்கொண்டான் - ஆதியாகமம் 28:10-11

யாக்கோபு தனது 77வது வயதில் தான் திருமணம் செய்ய தான் தாய் மாமன் வீட்டை நோக்கி சென்றார் என்பதை எப்படி கணக்கிடுவது? இதை நாம் யோசேப்பின் வாழ்க்கையில் நடந்த சம்பவத்தை கொண்டு கண்டு பிடிக்கலாம், பார்வோனின் சொப்பனத்தை விளக்க சிறையில் இருந்து விடுவிக்கபட்ட பொழுது யோசேப்பின் வயது 30 [ஆதியாகமம் 41:46], அதன் பின்பு பரிபூரணமுள்ள 7 வருடங்கள் முடிந்து[ஆதியாகமம் 41:46], அதற்கு பின்பு 2 வருட பஞ்சமும் முடிந்து[ஆதியாகமம் 45:6], அதாவது தனது 39ம் வயதில் தன் யோசேப்பு தகப்பனாகிய யாக்கோபை சந்தித்த பொழுது, யாக்கோபின் வயது 130 என்று வேதாகமம் சொல்லுகிறது, அப்படியென்றால் யோசேப்பு பிறந்த பொழுது யாக்கோபின் வயது 91[ஆதியாகமம் 30:25], இந்த யோசேப்பு, யாக்கோபு ராகேலை திருமணம் செய்து 7ம் வருடத்தின் முடிவில் பிறந்தவர் என்றால், யாக்கோபு ராகேலை திருமணம் செய்த பொழுது அவரின் வயது 84[ஆதியாகமம் 29:30], அதற்கு 7 வருடங்களுக்கு முன்பே திருமண ஒப்பந்தம் செய்தார் என்றால்[ஆதியாகமம் 29:18], யாக்கோபு ஆரானுக்கு வந்த பொழுது அவரின் வயது 77 தானே.  

அப்படி வெறும் கோலும் கையுமாய் சென்ற யாக்கோபுக்கு பெத்தேல் என்ற இடத்தில், தேவன் சொப்பனத்தில் தரிசனம் தந்து அவனை ஆசிர்வதித்தார் - 12.அங்கே அவன் ஒரு சொப்பனங் கண்டான்; இதோ, ஒரு ஏணி பூமியிலே வைக்கப்பட்டிருந்தது, அதின் நுனி வானத்தை எட்டியிருந்தது, அதிலே தேவதூதர் ஏறுகிறவர்களும் இறங்குகிறவர்களுமாய் இருந்தார்கள்.  13.அதற்கு மேலாகக் கர்த்தர் நின்று: நான் உன் தகப்பனாகிய ஆபிரகாமின் தேவனும் ஈசாக்கின் தேவனுமாகிய கர்த்தர்; நீ படுத்திருக்கிற பூமியை உனக்கும் உன் சந்ததிக்கும் தருவேன். 14.உன் சந்ததி பூமியின் தூளைப்போலிருக்கும்; நீ மேற்கேயும், கிழக்கேயும், வடக்கேயும், தெற்கேயும் பரம்புவாய்; உனக்குள்ளும் உன் சந்ததிக்குள்ளும் பூமியின் வம்சங்களெல்லாம் ஆசீர்வதிக்கப்படும். 15.நான் உன்னோடே இருந்து, நீ போகிற இடத்திலெல்லாம் உன்னைக் காத்து, இந்தத் தேசத்துக்கு உன்னைத் திரும்பிவரப்பண்ணுவேன்; நான் உனக்குச் சொன்னதைச் செய்யுமளவும் உன்னைக் கைவிடுவதில்லை என்றார். 16.யாக்கோபு நித்திரை தெளிந்து விழித்தபோது: மெய்யாகவே கர்த்தர் இந்த ஸ்தலத்தில் இருக்கிறார்; இதை நான் அறியாதிருந்தேன் என்றான். 17.அவன் பயந்து, இந்த ஸ்தலம் எவ்வளவு பயங்கரமாயிருக்கிறது! இது தேவனுடைய வீடேயல்லாமல் வேறல்ல, இது வானத்தின் வாசல் என்றான். 18.அதிகாலையிலே யாக்கோபு எழுந்து, தன் தலையின்கீழ் வைத்திருந்த கல்லை எடுத்து, அதைத் தூணாக நிறுத்தி, அதின்மேல் எண்ணெய் வார்த்து, 19.அந்த ஸ்தலத்திற்குப் பெத்தேல் என்று பேரிட்டான்; அதற்கு முன்னே அவ்வூருக்கு லூஸ் என்னும் பேர் இருந்தது - ஆதியாகமம் 28:12-19

அப்பொழுது யாக்கோபு  தன்னை ஆசிர்வதித்த தேவனோடு ஒரு பொருத்தனை பண்ணிக்கொண்டார்,  இது தான் வேதாகமத்தில் சொல்லப்பட்ட முதல் தசமபாக பொருத்தனையாகும், ஏன் மனித வரலாற்றிலேயே கூட இதுதான் முதல் பொருத்தனை சம்பவம் ஆகும், இந்த பொருத்தனையின் முதல் வேண்டுகோளே தேவன் என்னோடிருந்து இருந்து, என்னை ஆசிர்வதிக்க வேண்டும் என்பதாகும் - 20.அப்பொழுது யாக்கோபு: தேவன் என்னோடே இருந்து, நான் போகிற இந்த வழியிலே என்னைக் காப்பாற்றி, உண்ண ஆகாரமும், உடுக்க வஸ்திரமும் எனக்குத் தந்து, 21.என்னை என் தகப்பன் வீட்டுக்குச் சமாதானத்தோடே திரும்பிவரப்பண்ணுவாரானால், கர்த்தர் எனக்குத் தேவனாயிருப்பார்; 22.நான் தூணாக நிறுத்தின இந்தக் கல் தேவனுக்கு வீடாகும்; தேவரீர் எனக்குத் தரும் எல்லாவற்றிலும் உமக்குத் தசமபாகம் செலுத்துவேன் என்று சொல்லிப் பொருத்தனைபண்ணிக்கொண்டான் - ஆதியாகமம் 28:20-22 

மூன்று  மேய்ப்பர்கள்

இந்த பொருத்தனைக்கு பின்பு பிரயாணம் செய்த யாக்கோபு  மூன்று ஆட்டுமந்தைகளை கண்டு அதின் மேய்ப்பர்களோடு பேசினாராம் - 1.யாக்கோபு பிரயாணம்பண்ணி, கீழ்த்திசையாரின் தேசத்தில் போய்ச் சேர்ந்தான். 2.அங்கே வயல்வெளியிலே ஒரு கிணற்றையும், அதின் அருகே மடக்கியிருக்கிற மூன்று ஆட்டுமந்தைகளையும் கண்டான்; அந்தக் கிணற்றிலே மந்தைகளுக்குத் தண்ணீர் காட்டுவார்கள்; அந்தக் கிணற்றின் வாய் ஒரு பெரிய கல்லினால் அடைக்கப்பட்டிருந்தது. 3.அவ்விடத்தில் மந்தைகள் எல்லாம் சேர்ந்தபின் கிணற்றின் வாயிலிருக்கும் கல்லை மேய்ப்பர் புரட்டி, ஆடுகளுக்குத் தண்ணீர் காட்டி, மறுபடியும் கல்லை முன்னிருந்தபடி கிணற்றின் வாயில் வைப்பார்கள். 4.யாக்கோபு அவர்களைப் பார்த்து: சகோதரரே, நீங்கள் எவ்விடத்தார் என்றான்; அவர்கள், நாங்கள் ஆரான் ஊரார் என்றார்கள் - ஆதியாகமம் 29:1-4 

தேவ ஆவியானவர் மோசேயின் மூலமாக இதை எழுதும் பொழுது, இது ஏறக்குறைய 500 ஆண்டுகளுக்கு முன்பு நடந்த சம்பவமாக இருந்தது, 500 ஆண்டுகளுக்கு முன்பு யாக்கோபு மூன்று ஆட்டுமந்தைகளை கண்டு அதின் மேய்ப்பர்களோடு பேசினதை குறித்து ஏன் தேவ ஆவியானவர் மோசேயிடம் சொல்ல வேண்டும்? ஏனென்றால் அந்த மூன்று மேய்ப்பர்கள் நம் இரட்சகராகிய இயேசு கிறிஸ்துவே, அங்கு கர்த்தர் தான் பிதாவானவரின் குமாரனும், வார்த்தையானவரின் குமாரனும், பரிசுத்த ஆவியானவரின் குமாரனுமாக இருப்பதை வெளிப்படுத்தினார், அது அப்போஸ்தலனாகிய பேதுரு, யாக்கோபு மற்றும் யோவான் இயேசு கிறிஸ்துவின் மறுரூப மகிமையை தரிசித்ததிற்க்கு ஒப்பாகவும், மம்ரேயின் சமபூமியிலே ஆபிரகாம் இயேசு கிறிஸ்துவை மூன்று புருஷர்களாக தரிசித்ததிற்க்கு ஒப்பாகவும் இருந்தது.

இப்படி தன்னை சந்தித்த கர்த்தரிடம், யாக்கோபு பெத்துவேலின் குமாரனாகிய லாபானை அறிவீர்களா என்று கேட்பதற்க்கு பதிலாக, நாகோரின் குமாரனாகிய லாபானை அறிவீர்களா என்று கேட்டது, தேவகுமாரனாகிய இயேசு கிறிஸ்துவை குறித்த கேள்வியாகவே இருக்கிறது, ஏனென்றால் அந்த இடத்தில் யாக்கோபு கேட்ட "நாகோர்" என்பது பரலோகத்தின் தேவனையும், "லாபான்" என்பது  தேவகுமாரனாகிய இயேசு கிறிஸ்துவையும் குறிக்கிறது, மேலும் "லாபான்" என்கிற பெயரின் உண்மையான அர்த்தம் "பரிசுத்தம்" என்பதாகும் - 5.அப்பொழுது அவன்: நாகோரின் குமாரனாகிய லாபானை அறிவீர்களா என்று கேட்டான்; அறிவோம் என்றார்கள். 6.அவன் சுகமாயிருக்கிறானா என்று விசாரித்தான்; அதற்கு அவர்கள்: சுகமாயிருக்கிறான்; அவன் குமாரத்தியாகிய ராகேல், அதோ, ஆடுகளை ஓட்டிக்கொண்டு வருகிறாள் என்று சொன்னார்கள். 7.அப்பொழுது அவன்: இன்னும் வெகு பொழுதிருக்கிறதே; இது மந்தைகளைச் சேர்க்கிற வேளை அல்லவே, ஆடுகளுக்குத் தண்ணீர்காட்டி, இன்னும் மேயவிடலாம் என்றான். 8.அதற்கு அவர்கள்: எல்லா மந்தைகளும் சேருமுன்னே அப்படிச் செய்யக்கூடாது; சேர்ந்தபின் கிணற்றின் வாயிலுள்ள கல்லைப் புரட்டுவார்கள்; அப்பொழுது ஆடுகளுக்குத் தண்ணீர் காட்டுவோம் என்றார்கள். 9.அவர்களோடே அவன் பேசிக்கொண்டிருக்கும்போதே, தன் தகப்பனுடைய ஆடுகளை மேய்த்துக்கொண்டிருந்த ராகேல் அந்த ஆடுகளை ஓட்டிக்கொண்டு வந்தாள் - ஆதியாகமம் 29:5-9 

முறைப்படி, யாக்கோபு தன்னை சந்தித்த கர்த்தரிடம், பெத்துவேலின் குமாரனாகிய லாபானை அறிவீர்களா என்று தான் கேட்டிருக்க வேண்டும், அப்படி தான் ஈசாக்கு யாக்கோபை சொல்லி அனுப்பியிருந்தார் - 1.ஈசாக்கு யாக்கோபை அழைத்து, அவனை ஆசீர்வதித்து, நீ கானானியருடைய குமாரத்திகளில் பெண்கொள்ளாமல், 2.எழுந்து புறப்பட்டு, பதான் அராமிலிருக்கிற உன் தாயினுடைய தகப்பனாகிய பெத்துவேலுடைய வீட்டுக்குப்போய், அவ்விடத்தில் உன் தாயின் சகோதரனாகிய லாபானின் குமாரத்திகளுக்குள் பெண்கொள் என்று அவனுக்குக் கட்டளையிட்டான். 3.சர்வவல்லமையுள்ள தேவன் உன்னை ஆசீர்வதித்து, நீ பல ஜனக்கூட்டமாகும்படி உன்னைப் பலுகவும் பெருகவும்பண்ணி; 4.தேவன் ஆபிரகாமுக்குக் கொடுத்ததும் நீ பரதேசியாய்த் தங்குகிறதுமான தேசத்தை நீ சுதந்தரித்துக்கொள்ளும்படி ஆபிரகாமுக்கு அருளிய ஆசீர்வாதத்தை உனக்கும் உன் சந்ததிக்கும் அருளுவாராக என்று சொல்லி; 5.ஈசாக்கு யாக்கோபை அனுப்பிவிட்டான். அப்பொழுது அவன் பதான் அராமிலிருக்கும் சீரியா தேசத்தானாகிய பெத்துவேலுடைய குமாரனும், தனக்கும் ஏசாவுக்கும் தாயாகிய ரெபெக்காளின் சகோதரனுமான லாபானிடத்துக்குப் போகப் புறப்பட்டான் - ஆதியாகமம் 28:1-5 

மேலும், யாக்கோபு குறிப்பிட்ட நேரத்திற்க்கு முன்பே ஆடுகளுக்குத் தண்ணீர் காட்டினது, அக்கினிக்கு வைக்கப்பட்டிருந்த இந்த உலகம் அழியும் முன்பே இயேசு கிறிஸ்து இந்த பூமிக்கு ஜீவ தண்ணீர் அளிக்கும் இரட்சகராக வரவேண்டும் என்பதையும் குறிக்கிறது - யாக்கோபு தன் தாயின் சகோதரனான லாபானுடைய குமாரத்தியாகிய ராகேலையும், தன் தாயின் சகோதரனாகிய லாபானின் ஆடுகளையும் கண்டபோது, யாக்கோபு போய், கிணற்றின் வாயிலிருந்த கல்லைப் புரட்டி, தன் தாயின் சகோதரனாகிய லாபானின் ஆடுகளுக்குத் தண்ணீர் காட்டினான் - ஆதியாகமம் 29:10

மூன்று வகை ஆடுகள்

இப்படி வெறும் கோலும் கையுமாய் ஆரானுக்கு வந்த யாக்கோபு, தன் தாய்மாமன் வீட்டில் 14 வருடங்கள் தன் இரண்டு மனைவிகளுக்காக வேலை செய்து 91 வயதான பொழுது, யாக்கோபின் தாய்மாமனாகிய லாபான் தன் மந்தையை தொடர்ந்து கவனித்துக் கொள்ளச் சொன்னார் - 25.ராகேல் யோசேப்பைப் பெற்றபின், யாக்கோபு லாபானை நோக்கி: நான் என் ஸ்தானத்திற்கும் என் தேசத்திற்கும் போக என்னை அனுப்பிவிடும். 26.நான் உமக்கு ஊழியஞ்செய்து சம்பாதித்த என் மனைவிகளையும் என் பிள்ளைகளையும் எனக்குத் தாரும்; நான் போவேன், நான் உம்மிடத்தில் சேவித்த சேவகத்தை நீர் அறிந்திருக்கிறீர் என்றான். 27.அப்பொழுது லாபான்: உன் கண்களில் எனக்குத் தயவு கிடைத்ததேயானால் நீ இரு; உன் நிமித்தம் கர்த்தர் என்னை ஆசீர்வதித்தார் என்று குறிப்பினால் அறிந்தேன். 28.உன் சம்பளம் இன்னதென்று எனக்குச் சொல், நான் அதைத் தருவேன் என்றான் - ஆதியாகமம் 30:25-28

லாபானின் மந்தையை தொடர்ந்து பார்த்துக்கொள்ள யாக்கோபு ஒரு வித்தியாசமான சம்பளத்தை கேட்டார், அது என்னவென்றால் லாபானின் மந்தையில் சாதாரன ஆடுகளுடன், மூன்று விதமான விசேஷித்த ஆடுகளும் இருந்தன[Speckled and spotted sheep, black lamb, and spotted and speckled goat], தமிழ் மொழிபெயர்ப்பில் அதில் இரண்டை குறித்து தான் எழுதப்பட்டுள்ளது, ஆனால் எபிரேய  மொழியிலும் ஆங்கில மொழிபெயர்ப்பிலும் மூன்று விதமான ஆடுகள் சொல்லப்பட்டிருப்பதை பார்க்கலாம். அப்பொழுது யாக்கோபு லாபானிடம்,  மந்தையிலுள்ள இந்த மூன்று விதமான எல்லா விசேஷித்த ஆடுகளையும் நீங்கள் உங்கள் வீட்டுக்கு கொண்டு போய் விடுங்கள், நான் மீதியுள்ள சாதாரன ஆடுகளை நான் மேய்கிறேன், இந்த  சாதாரன ஆடுகள் அந்த மூன்று விதமான விசேஷித்த குட்டிகளை போட்டால் அது என்னுடையது,  சாதாரன குட்டிகளை போட்டால் அது உம்முடையது என்றான் - 29.அதற்கு அவன்: நான் உம்மைச் சேவித்த விதமும், உம்முடைய மந்தை என்னிடத்தில் இருந்த விதமும் அறிந்திருக்கிறீர். 30.நான் வருமுன்னே உமக்கு இருந்தது கொஞ்சம்; நான் வந்தபின் கர்த்தர் உம்மை ஆசீர்வதித்ததினால் அது மிகவும் பெருகியிருக்கிறது; இனி நான் என் குடும்பத்துக்குச் சம்பாத்தியம்பண்ணுவது எப்பொழுது என்றான். 31.அதற்கு அவன்: நான் உனக்கு என்ன தரவேண்டும் என்றான்; யாக்கோபு: நீர் எனக்கு ஒன்றும் தரவேண்டியதில்லை; நான் சொல்லுகிறபடி நீர் எனக்குச் செய்தால், உம்முடைய மந்தையைத் திரும்ப மேய்த்துக் காப்பேன். 32.நான் இன்றைக்குப்போய், உம்முடைய மந்தைகளையெல்லாம் பார்வையிட்டு, அவைகளில் புள்ளியும் வரியும் கறுப்புமுள்ள செம்மறியாடுகளையும், வரியும் புள்ளியுமுள்ள வெள்ளாடுகளையும் பிரித்துவிடுகிறேன்; அப்படிப்பட்டவை இனி எனக்குச் சம்பளமாயிருக்கட்டும். 33.அப்படியே இனிமேல் என் சம்பளமாகிய இவற்றை நீர் பார்வையிடும்போது, என் நீதி விளங்கும்; புள்ளியும் வரியுமில்லாத வெள்ளாடுகளும், கறுப்பான செம்மறியாடுகளும் என் வசத்தில் இருந்தால், அவையெல்லாம் என்னால் திருடிக்கொள்ளப்பட்டவைகளாய் எண்ணப்படட்டும் என்றான் - ஆதியாகமம் 30:29-33

யாக்கோபு கேட்ட சம்பளம் இந்த உலகத்தில் யாருமே கேட்காத ஓன்று தான், அது லாபானுக்கும் மிகப்பெரிய சந்தோஷத்தை கொடுத்திருக்கும், அதனால் லாபான் யாக்கோபு கேட்டதை  சம்பளமாக தர உடனே ஒப்புக்கொண்டான், இதை எளிதாக புரிந்துக் கொள்ள இந்த உதாரணத்தை எடுத்துக் கொள்ளலாம், லாபானின் மந்தையில் பசு மாடுகளும் எருமை மாடுகளும் இருக்கிறது என்று வைத்துக்கொள்ளுங்கள், அப்பொழுது யாக்கோபு லாபானிடம் நீர் உம்முடைய மந்தையில் இருக்கும் பசு மாடுகளை எல்லாம் கொண்டு போய் விடும், நான் மீதமுள்ள எருமை மாடுகளை பார்த்துக் கொள்ளுகிறேன், அப்பொழுது என்னிடம் இருக்கும் எருமை மாடுகள் பசு கன்றை ஈன்றால் அது என்னுடையது எருமை கன்றுகளை ஈன்றால் அது உம்முடையது என்று சொன்னால் யார் தான் இதை ஏற்றுக் கொள்ள மாட்டார்கள், லாபானும் உடனே அதை ஏற்றுக் கொண்டான் ஏன் என்றால் எருமை மாடுகள் பசு கன்றை ஈன வாய்ப்பேயில்லை.

அதனால் தான் லாபான் அந்த மூன்று விதமான ஆடுகளையும் பிரித்து தன்னிடம் வைத்துக் கொண்டு, மற்ற ஆடுகளை யாக்கோபை பார்த்துக்கொள்ள சொன்னார் - 34.அதற்கு லாபான்: நீ சொன்னபடியே ஆகட்டும் என்று சொல்லி, 35.அந்நாளிலே கலப்பு நிறமும் வரியுமுள்ள வெள்ளாட்டுக் கடாக்களையும், புள்ளியும் வரியுமுள்ள வெள்ளாடுகள் யாவையும், சற்று வெண்மையும் கருமையுமுள்ள செம்மறியாடுகள் யாவையும் பிரித்து, தன் குமாரரிடத்தில் ஒப்புவித்து, 36.தனக்கும் யாக்கோபுக்கும் இடையிலே மூன்றுநாள் பிரயாணதூரத்தில் இருக்கும்படி வைத்தான். லாபானுடைய மற்ற ஆடுகளை யாக்கோபு மேய்த்தான் - ஆதியாகமம் 30:34-36

இப்படி யாக்கோபு விரும்பின மூன்று ஆடுகள்,  நாம் காணக்கூடாத அதரிசனமான பிதா, வார்த்தை, பரிசுத்த ஆவி என்ற திரியேக தேவனையே குறிக்கிறது, இதை அப்போஸ்தலனாகிய யோவான் சொல்லும் போது அதரிசனமான தேவன் மூன்று நபர்களாக இருப்பதாகவும், அதே சமயத்தில் அவர்கள் மூன்று பேரும் பிரிக்க முடியாத ஒரே தேவனாக[பிதாவாக] இருக்கிறார் என்றும் குறிப்பிட்டுள்ளார் - பரலோகத்திலே சாட்சியிடுகிறவர்கள் மூவர், பிதா, வார்த்தை, பரிசுத்த ஆவி என்பவர்களே, இம்மூவரும் ஒன்றாயிருக்கிறார்கள் - I யோவான் 5:7


மூன்று வகை மரங்கள்

அப்பொழுது யாக்கோபு மூன்று விதமான நற்குல மரமான புன்னை, வாதுமை, அர்மோன் மரங்களை தெரிந்துக் கொண்டு, அவைகளின் கோப்புகளை வெட்டி, அதின் பட்டையை உரித்து[காயப்படுத்தி] ஆடுகள் முன்பாக போட்டார், அப்பொழுது, யாக்கோபினிடமிருந்த இருந்த சாதாரண ஆடுகள் அவர் சம்பளமாக கேட்ட மூன்று விதமான குட்டிகளை போட்டது - 37.பின்பு யாக்கோபு பச்சையாயிருக்கிற புன்னை, வாதுமை, அர்மோன் என்னும் மரங்களின் கொப்புகளை வெட்டி, இடையிடையே வெண்மை தோன்றும்படி, பட்டையை உரித்து, 38.தான் உரித்த கொப்புகளை ஆடுகள் தண்ணீர் குடிக்க வரும் கால்வாய்களிலும் தொட்டிகளிலும் ஆடுகளுக்கு எதிராகப் போட்டுவைப்பான்; ஆடுகள் தண்ணீர் குடிக்க வரும்போது பொலிவதுண்டு. 39.ஆடுகள் அந்தக் கொப்புகளுக்கு முன்பாகப் பொலிந்தபடியால், அவைகள் கலப்பு நிறமுள்ளதும் புள்ளியுள்ளதும் வரியுள்ளதுமான குட்டிகளைப் போட்டது - ஆதியாகமம் 30:37-39

இப்படியாக எந்த மாம்ச சமபந்தமும் இல்லாமல், யாக்கோபு தான் விரும்பின மூன்று வகையான ஆடுகளை பெற்றுக் கொண்டான், இது நம் இரட்சகராகிய இயேசு கிறிஸ்துவையே குறிக்கிறது, எப்படியெனில் தேவக்குமாரனாகிய இயேசு கிறிஸ்து பிதா, வார்த்தை, பரிசுத்த ஆவி என்கிற மூன்று பேரிடத்திலிருந்து உண்டாவனராகவும், அவர்களின் தற்சுரூபமாகவும் இருக்கிறார். இதை அப்போஸ்தலனாகிய யோவான் விவரிக்கும் பொழுது பிதா, வார்த்தை, பரிசுத்த ஆவியாகிய திரியேக தேவன் ஜலம், இரத்தம், ஆவியாக கிறிஸ்து இயேசுவுக்குள் இருந்தார்கள் என்று குறிப்பிட்டுள்ளார் - பூலோகத்திலே சாட்சியிடுகிறவைகள் மூன்று, ஆவி, ஜலம், இரத்தம் என்பவைகளே, இம்மூன்றும் ஒருமைப்பட்டிருக்கிறது - I யோவான் 5:8

மேலும் யாக்கோபு தெரிந்துக் கொண்ட மூன்று விதமான நற்குல மரமான புன்னை, வாதுமை, அர்மோன் பச்சை மரங்கள், பிதா, வார்த்தை, பரிசுத்த ஆவி என்ற திரியேக தேவனையே குறிக்கிறது,  அந்த மூன்று மரத்திலிருந்து, வெட்டி எடுக்கப்பட்ட கொப்புகள், நம் இரட்சகராகிய இயேசு கிறிஸ்துவையே குறிக்கிறது, அதாவது நம் இரட்சகராகிய இயேசு கிறிஸ்து, புன்னை மரக்கொப்பாகவும்[பிதாவானவரின் குமாரனும்], வாதுமை மரக்கொப்பாகவும்[வார்த்தையானவரின் குமாரனும்], அர்மோன் மரக்கொப்பாகவும்[பரிசுத்த ஆவியானவரின் குமாரனுமாக] இருக்கிறார்.

அந்த மூன்று விதமான கொப்புகளும், இடையிடையே வெண்மை தோன்றும்படியாக பட்டை உரிக்கப்பட்டது, பிதாவானவரின் குமாரன், வார்த்தையானவரின் குமாரன், மற்றும் பரிசுத்த ஆவியானவரின் குமாரன் என மூன்று பேருமே நமக்காக பாடுபட்டதையும், யாக்கோபு அந்த  கொப்புகளை கால்வாய்களிலே போட்டது அவர்களின் சிலுவை மரணத்தையும், அதின் அடையாளமாகிய ஞானஸ்நானத்தையும் குறிக்கிறது.


இந்த பிரம ரகசியத்தை ஆதாரமாக கொண்டதினாலேயே, யாக்கோபு  திரளான ஆடுகளும், வேலைக்காரிகளும், வேலைக்காரரும், ஒட்டகங்களும், கழுதைகளும் உடையவனாகி மிகவும் விருத்தியடைந்தான் - 40.அந்த ஆட்டுக்குட்டிகளை யாக்கோபு பிரித்துக்கொண்டு, ஆடுகளை லாபானுடைய மந்தையிலிருக்கும் கலப்புநிறமானவைகளுக்கும் கறுப்பானவைகளெல்லாவற்றிற்கும் எதிராக நிறுத்தி, தன் ஆடுகளை லாபானுடைய மந்தையோடே சேர்க்காமல், தனிப்புறமாக வைத்துக்கொள்வான். 41.பலத்த ஆடுகள் பொலியும்போது, அந்தக் கொப்புகளுக்கு எதிரே பொலியும்படி யாக்கோபு அவைகளை அந்த ஆடுகளின் கண்களுக்கு முன்பாகக் கால்வாய்களிலே போட்டுவைப்பான். 42.பலவீனமான ஆடுகள் பொலியும்போது, அவைகளைப் போடாமலிருப்பான்; இதனால் பலவீனமானவைகள் லாபானையும், பலமுள்ளவைகள் யாக்கோபையும் சேர்ந்தன. 43.இவ்விதமாய் அந்தப் புருஷன் மிகவும் விருத்தியடைந்து, திரளான ஆடுகளும், வேலைக்காரிகளும், வேலைக்காரரும், ஒட்டகங்களும், கழுதைகளும் உடையவனானான் - ஆதியாகமம் 30:40-43

இப்படி யாக்கோபு அடைந்த ஆசீர்வாதம், லாபானின் குமாரர் பொறாமையடையும் அளவாக மாறி விட்டது, அப்பொழுது தான் தேவன் யாக்கோபினடம் கானான் தேசத்திற்கு, அதாவது இயேசு கிறிஸ்து இந்த உலகத்திற்கு வர முன்குறித்த இடத்திற்கு போகச் சொன்னார் - 1.பின்பு, லாபானுடைய குமாரர்: எங்கள் தகப்பனுக்கு உண்டானவைகள் யாவையும் யாக்கோபு எடுத்துக்கொண்டான் என்றும், எங்கள் தகப்பனுடைய பொருளினாலே இந்தச் செல்வத்தையெல்லாம் அடைந்தான் என்றும் சொன்ன வார்த்தைகளை யாக்கோபு கேட்டான். 2.லாபானின் முகத்தை யாக்கோபு பார்த்தபோது, அது நேற்று முந்தைநாள் இருந்ததுபோல் இராமல் வேறுபட்டிருக்கக் கண்டான். 3.கர்த்தர் யாக்கோபை நோக்கி: உன் பிதாக்களுடைய தேசத்திற்கும் உன் இனத்தாரிடத்திற்கும் நீ திரும்பிப்போ; நான் உன்னோடேகூட இருப்பேன் என்றார் - ஆதியாகமம் 31:1-3

இதை குறித்து யாக்கோபு தன் மனைவியாகிய ராகேலிடமும் லேயாளிடமும் சாட்சி சொல்லும் பொழுது, லாபான் செய்த அநீதியான காரியத்தையும் சொன்னார், லாபான் பத்து முறை யாக்கோபின் சம்பளத்தை மாற்றினாராம், எப்படி என்றால் இந்த முறை புள்ளியுள்ளதும் வரியுள்ளதுமான குட்டிகள் மாத்திரம் உன் சம்பளம் என்று சொல்லும் பொழுது, ஆடுகள் புள்ளியுள்ளதும் வரியுள்ளதுமான குட்டிகளை போட்டது, இந்த முறை புள்ளியுள்ளது மாத்திரமே உன் சம்பளம் என்று சொல்லும் பொழுது ஆடுகள் புள்ளியுள்ள குட்டிகளை மாத்திரமே போட்டதாம் - 4.அப்பொழுது யாக்கோபு, ராகேலையும் லேயாளையும் வெளியிலே தன் மந்தையிடத்தில் அழைப்பித்து, 5.அவர்களை நோக்கி: உங்கள் தகப்பனுடைய முகம் நேற்று முந்தைநாள் இருந்ததுபோல இருக்கவில்லை என்று எனக்குத் தோன்றுகிறது; ஆனாலும் என் தகப்பனுடைய தேவன் என்னோடேகூட இருக்கிறார். 6.என்னால் இயன்றமட்டும் நான் உங்கள் தகப்பனுக்கு ஊழியஞ்செய்தேன் என்று நீங்கள் அறிந்திருக்கிறீர்கள். 7.உங்கள் தகப்பனோ, என்னை வஞ்சித்து, என் சம்பளத்தைப் பத்துமுறை மாற்றினான்; ஆனாலும் அவன் எனக்குத் தீங்குசெய்ய தேவன் அவனுக்கு இடங்கொடுக்கவில்லை. 8.புள்ளியுள்ளவைகள் உன் சம்பளமாயிருக்கும் என்று அவன் சொன்னபோது, ஆடுகளெல்லாம் புள்ளியுள்ள குட்டிகளைப் போட்டது; கலப்புநிறமானவைகள் உன் சம்பளமாயிருக்கும் என்று அவன் சொன்னபோது, ஆடுகளெல்லாம் கலப்புநிறக் குட்டிகளைப் போட்டது. 9.இவ்விதமாய் தேவன் உங்கள் தகப்பனுடைய ஆடுகளை எடுத்து, எனக்குத் தந்தார் - ஆதியாகமம் 31:4-9

மேலும் யாக்கோபு லாபானை விட்டுச் செல்லும் பொழுது, ஒரு தரிசனத்தோடு தான் புறப்பட்டார், அது ஆடுகள் பொலியும் காலத்திலே மூன்று விதமான கடாக்கள் ஆட்டின் மேல் அசைவாடும் ["பொலியும்" என்று மொழிப் பெயர்க்கப் பட்டுள்ளது, "அசைவாடும்" என்பதே சரியான மொழிப் பெயர்ப்பு ஆகும்], இது கிறிஸ்துவின் பிறப்பை குறித்த ரகசியமாகவே இருந்தது, அதாவது ஒரு உற்பவகாலத்திட்டத்தில் கன்னியாகிய மரியாளின் மூலமாக திரியேக தேவனின் குமாரனாகிய இயேசு கிறிஸ்து வெளிப்படுவார் என்கிற இரகசியத்தை விளக்குகிறது - 10.ஆடுகள் பொலியும் காலத்திலே நான் கண்ட சொப்பனத்தில் என் கண்களை ஏறெடுத்துப் பார்க்கும்போது, ஆடுகளோடே பொலியும் கடாக்கள் கலப்புநிறமும் புள்ளியும் வரியும் உள்ளவைகளாயிருக்கக் கண்டேன். 11.அன்றியும் தேவதூதன் ஒருவர் சொப்பனத்தில்: யாக்கோபே என்றார்; இதோ, இருக்கிறேன் என்றேன். 12.அப்பொழுது அவர்: உன் கண்களை ஏறெடுத்துப்பார்; ஆடுகளோடே பொலியும்[ஆடுகளின் மேல் அசைவாடும்] கடாக்களெல்லாம் கலப்புநிறமும் புள்ளியும் வரியுமுள்ளவைகளாய் இருக்கிறது; லாபான் உனக்குச் செய்கிற யாவையும் கண்டேன். 13.நீ தூணுக்கு அபிஷேகஞ்செய்து, எனக்கு ஒரு பொருத்தனையைப் பண்ணின பெத்தேலிலே உனக்குத் தரிசனமான தேவன் நானே; இப்பொழுது நீ எழுந்து, இந்தத் தேசத்தைவிட்டுப் புறப்பட்டு, உன் இனத்தாரிருக்கிற தேசத்திற்குத் திரும்பிப்போ என்று சொன்னார் என்றான் - ஆதியாகமம் 31:10-13


மூன்று தூதர்கள்

தேவக் கட்டளையின் படி, ஆரானிலிருந்து கானான் தேசத்தை நோக்கி சென்று கொண்டிருந்த யாக்கோபை,  பெத்தேலுக்கு அருகே வந்த சமயத்தில் தேவதூதர்கள் சந்தித்தார்கள், அவர்களை கண்ட யாக்கோபு இது தேவனுடைய சேனை என்று சொல்ல காரணம் என்ன? தேவனுடைய சேனையாக வந்தவர்கள் எத்தனை பேராய் இருந்தார்கள்? - 1.யாக்கோபு பிரயாணம்பண்ணுகையில், தேவதூதர்கள் அவனைச் சந்தித்தார்கள். 2.யாக்கோபு அவர்களைக் கண்டபோது: இது தேவனுடைய சேனை என்று சொல்லி, அந்த ஸ்தலத்திற்கு மக்னாயீம் என்று பேரிட்டான். 3.பின்பு, யாக்கோபு ஏதோம் சீமையாகிய சேயீர் தேசத்திலிருக்கிற தன் சகோதரனாகிய ஏசாவினிடத்துக்குப் போகும்படி ஆட்களை அழைப்பித்து: 4.நீங்கள் என் ஆண்டவனாகிய ஏசாவினிடத்தில் போய், நான் இதுவரைக்கும் லாபானிடத்தில் தங்கியிருந்தேன் என்றும், 5.எனக்கு எருதுகளும், கழுதைகளும், ஆடுகளும், வேலைக்காரரும், வேலைக்காரிகளும் உண்டென்றும், உம்முடைய கண்களில் எனக்குத் தயவுகிடைக்கத்தக்கதாக ஆண்டவனாகிய உமக்கு இதை அறிவிக்கும்படி ஆட்களை அனுப்பினேன் என்றும் உம்முடைய தாசனாகிய யாக்கோபு சொல்லச்சொன்னான் என்று சொல்லும்படி கட்டளைகொடுத்துத் தனக்கு முன்னாக அவர்களை அனுப்பினான். 6.அந்த ஆட்கள் யாக்கோபினிடத்துக்குத் திரும்பிவந்து: நாங்கள் உம்முடைய சகோதரனாகிய ஏசாவினிடத்துக்குப் போய்வந்தோம்; அவரும் நானூறுபேரோடே உம்மை எதிர்கொள்ள வருகிறார் என்றார்கள் - ஆதியாகமம் 32:1-6

ஏறக்குறைய 20 வருடங்களுக்கு முன்பு அவ்வழியே ஆரானுக்கு செல்கையில் தான், அவன் தேவனை தரிசித்து, மெய்யாகவே கர்த்தர் இந்த ஸ்தலத்தில் இருக்கிறார் என்று சொல்லி, நீர் என்னை சமாதானத்தோடே திரும்பிவரச் செய்தால் உமக்குத் தசமபாகம் செலுத்துவேன் என்று பொருத்தனைபண்ணியிருந்தான்,  அதன் பின்பு, ஏறக்குறைய 20 வருடங்கள் ஆரானிலே தங்கி வேலை செய்து விட்டு, தனது 97வது வயதில் திரும்பி வந்த யாக்கோபு, பெத்தேலுக்கு அருகே வந்த சமயத்தில் தனது சகோதரனாகிய ஏசாவை சந்திக்க ஆள் அனுப்பி, தனது மந்தையில் ஒரு பெரும் பாகத்தை ஏசாவுக்கு வெகுமானமாக பிரித்து வைத்ததின் காரணம் என்ன? - 7.அப்பொழுது யாக்கோபு மிகவும் பயந்து, வியாகுலப்பட்டு, தன்னிடத்திலிருந்த ஜனங்களையும் ஆடுமாடுகளையும் ஒட்டகங்களையும் இரண்டு பகுதியாகப் பிரித்து: 8.ஏசா ஒரு பகுதியின்மேல் விழுந்து அதை முறிய அடித்தாலும், மற்றப் பகுதி தப்பித்துக்கொள்ள இடம் உண்டு என்றான். 9.பின்பு யாக்கோபு: என் தகப்பனாகிய ஆபிரகாமின் தேவனும், என் தகப்பனாகிய ஈசாக்கின் தேவனுமாய் இருக்கிறவரே: உன் தேசத்துக்கும் உன் இனத்தாரிடத்துக்கும் திரும்பிப்போ, உனக்கு நன்மை செய்வேன் என்று என்னுடனே சொல்லியிருக்கிற கர்த்தாவே, 10.அடியேனுக்கு தேவரீர் காண்பித்த எல்லா தயவுக்கும் எல்லா சத்தியத்துக்கும் நான் எவ்வளவேனும் பாத்திரன் அல்ல, நான் கோலும் கையுமாய் இந்த யோர்தானைக் கடந்துபோனேன்; இப்பொழுது இவ்விரண்டு பரிவாரங்களையும் உடையவனானேன். 11.என் சகோதரனாகிய ஏசாவின் கைக்கு என்னைத் தப்புவியும், அவன் வந்து என்னையும் பிள்ளைகளையும் தாய்மார்களையும் முறிய அடிப்பான் என்று அவனுக்கு நான் பயந்திருக்கிறேன். 12.தேவரீரோ: நான் உனக்கு மெய்யாகவே நன்மைசெய்து, உன் சந்ததியை எண்ணிமுடியாத கடற்கரை மணலைப்போல மிகவும் பெருகப்பண்ணுவேன் என்று சொன்னீரே என்றான். 13.அன்று ராத்திரி அவன் அங்கே தங்கி, தன் கைக்கு உதவினவைகளிலே தன் சகோதரனாகிய ஏசாவுக்கு வெகுமானமாக, 14.இருநூறு வெள்ளாடுகளையும், இருபது வெள்ளாட்டுக் கடாக்களையும், இருநூறு செம்மறியாடுகளையும், இருபது ஆட்டுக்கடாக்களையும், 15.பால் கொடுக்கிற முப்பது ஒட்டகங்களையும், அவைகளின் குட்டிகளையும், நாற்பது கடாரிகளையும், பத்துக் காளைகளையும், இருபது கோளிகைக் கழுதைகளையும், பத்துக் கழுதைக்குட்டிகளையும் பிரித்தெடுத்து - ஆதியாகமம் 32:7-15

யாக்கோபு தன் சகோதரனாகிய ஏசாவுக்கு கொடுத்தது வெறும் அன்பளிப்புதான் என்றால், அதில் தியானிப்பதற்கு ஒன்றும் இல்லை, அது வேதாகமத்தில் இடம் பெற வேண்டிய அவசியமும் இல்லை, ஆனால் யாக்கோபு இயேசு கிறிஸ்துவை சிலுவையில் அறைந்த ஏரோது ராஜாக்களின் தகப்பனான ஏசாவுக்கு கொடுத்தது தேவனிடம் பொருத்தனை பண்ணிக்கொண்ட தசமபாகம் என்றால், அது கிறிஸ்துவை குறித்த தீர்க்கதரிசனமாகவும், தியானிக்க வேண்டிய காரியமாகவும் இருக்கிறது.

முதலாவது யாக்கோபு தன் மந்தையிலிருந்து 9 வகையான ஆடு மாடுகளை பிரித்தெடுத்தான் என்று பார்க்கிறோம், அது நம் இரட்சகராகிய இயேசு கிறிஸ்துவே, அவரே 9 வகையான ஆவியின் கனிகளின் சொந்தக்காரர் - 22.ஆவியின் கனியோ, அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், 23.சாந்தம், இச்சையடக்கம்; இப்படிப்பட்டவைகளுக்கு விரோதமான பிரமாணம் ஒன்றுமில்லை. 24.கிறிஸ்துவினுடையவர்கள் தங்கள் மாம்சத்தையும் அதின் ஆசை இச்சைகளையும் சிலுவையில் அறைந்திருக்கிறார்கள். 25.நாம் ஆவியினாலே பிழைத்திருந்தால், ஆவிக்கேற்றபடி நடக்கவும் கடவோம். 26.வீண் புகழ்ச்சியை விரும்பாமலும், ஒருவரையொருவர் கோபமூட்டாமலும், ஒருவர்மேல் ஒருவர் பொறாமைகொள்ளாமலும் இருக்கக்கடவோம் - கலாத்தியர் 5:22-26

மேலும், யாக்கோபை சந்தித்த தேவதூதர்கள் மூன்று பேராய் இருந்தார்கள் என்பதை அறிந்துக் கொள்ளலாம், மூலபாஷையில் அவர்களுக்கு "அல்பா ஒமெகா" என்கிற நாமம் கொடுக்கப்பட்டிருக்கிறது, ஆனால் அவர்களை வேலைக்காரன் என்று மொழிபெயர்த்து இருப்பது வேதனையான காரியம் தான், அவர்களே யாக்கோபு தன் சகோதரனாகிய ஏசாவை சந்திக்கவும், வெகுமதியை ஒப்படைக்கவும் உதவி செய்தார்கள், அவர்களை மந்தைக்கு "முன்னே போகிற அல்பா ஒமெகா" என்றும், "இரண்டாம் அல்பா ஒமெகா" மற்றும் "மூன்றாம் அல்பா ஒமெகா" என்றும் மூலபாஷையில் குறிக்கப்பட்டுள்ளது - 16.வேலைக்காரர் கையில் ஒவ்வொரு மந்தையை தனித்தனியாக ஒப்புவித்து, நீங்கள் மந்தை மந்தைக்கு முன்னும் பின்னுமாக இடம் விட்டு எனக்கு முன்னாக ஓட்டிக்கொண்டுபோங்கள் என்று தன் வேலைக்காரருக்குச் சொல்லி, 17.முன்னே போகிறவனை அல்பாவும் ஒமெகாவுமானவரை நோக்கி: என் சகோதரனாகிய ஏசா உனக்கு எதிர்ப்பட்டு: நீ யாருடையவன்? எங்கே போகிறாய்? உனக்குமுன் போகிற மந்தை யாருடையது? என்று உன்னைக் கேட்டால், 18.நீ: இது உமது அடியானாகிய யாக்கோபுடையது; இது என் ஆண்டவனாகிய ஏசாவுக்கு அனுப்பப்படுகிற வெகுமதி; இதோ, அவனும் எங்கள் பின்னே வருகிறான் என்று சொல் என்றான். 19.இரண்டாம் மூன்றாம் வேலைக்காரனையும் அல்பாவும் ஒமெகாவுமானவரையும், மந்தைகளின் பின்னாலே போகிற அனைவரையும் நோக்கி: நீங்களும் ஏசாவைக் காணும்போது, இந்தப்பிரகாரமாக அவனோடே சொல்லி, 20.இதோ, உமது அடியானாகிய யாக்கோபு எங்கள் பின்னாலே வருகிறான் என்றும் சொல்லுங்கள் என்று கட்டளையிட்டான்; முன்னே வெகுமதியை அனுப்பி, அவனைச் சாந்தப்படுத்திக்கொண்டு, பின்பு அவன் முகத்தைப் பார்ப்பேன், அப்பொழுது ஒருவேளை என்பேரில் தயவாயிருப்பான் என்றான் - ஆதியாகமம் 32:16-20

இப்படி மூன்று பேராய் யாக்கோபை சந்தித்தவர்கள் நம் இரட்சகராகிய இயேசு கிறிஸ்துவே, அங்கு கர்த்தர் தான் பிதாவானவரின் குமாரனும், வார்த்தையானவரின் குமாரனும், பரிசுத்த ஆவியானவரின் குமாரனுமாக இருப்பதை வெளிப்படுத்தினார், அது அப்போஸ்தலனாகிய பேதுரு, யாக்கோபு மற்றும் யோவான் இயேசு கிறிஸ்துவின் மறுரூப மகிமையை தரிசித்ததிற்க்கு ஒப்பாகவும், மம்ரேயின் சமபூமியிலே ஆபிரகாம் இயேசு கிறிஸ்துவை மூன்று புருஷர்களாக தரிசித்ததிற்க்கு ஒப்பாகவும் இருந்தது, அவரே ஒரு புருஷனாக[இயேசு கிறிஸ்துவாக] யாக்கோபுடன் இடைப்பட்டார் - 21.அந்தப்படியே வெகுமதி அவனுக்குமுன் போயிற்று; அவனோ அன்று ராத்திரி பாளயத்திலே தங்கி, 22.இராத்திரியில் எழுந்திருந்து, தன் இரண்டு மனைவிகளையும், தன் இரண்டு பணிவிடைக்காரிகளையும், தன்னுடைய பதினொரு குமாரரையும் கூட்டிக்கொண்டு, யாப்போக்கு என்கிற ஆற்றின் துறையைக் கடந்தான். 23.அவர்களையும் சேர்த்து, ஆற்றைக் கடக்கப்பண்ணி, தனக்கு உண்டான யாவையும் அக்கரைப்படுத்தினான். 24.யாக்கோபு பிந்தித் தனித்திருந்தான்; அப்பொழுது ஒரு புருஷன் பொழுது விடியுமளவும் அவனுடனே போராடி, 25.அவனை மேற்கொள்ளாததைக் கண்டு, அவனுடைய தொடைச்சந்தைத் தொட்டார்; அதினால் அவருடனே போராடுகையில் யாக்கோபின் தொடைச்சந்து சுளுக்கிற்று. 26.அவர்: நான் போகட்டும், பொழுது விடிகிறது என்றார். அதற்கு அவன்: நீர் என்னை ஆசீர்வதித்தாலொழிய உம்மைப் போகவிடேன் என்றான். 27.அவர்: உன் பேர் என்ன என்று கேட்டார்; யாக்கோபு என்றான். 28.அப்பொழுது அவர்: உன் பேர் இனி யாக்கோபு என்னப்படாமல் இஸ்ரவேல் என்னப்படும்; தேவனோடும் மனிதரோடும் போராடி மேற்கொண்டாயே என்றார். 29.அப்பொழுது யாக்கோபு: உம்முடைய நாமத்தை எனக்கு அறிவிக்கவேண்டும் என்று கேட்டான்; அதற்கு அவர்: நீ என் நாமத்தைக் கேட்பானேன் என்று சொல்லி, அங்கே அவனை ஆசீர்வதித்தார். 30.அப்பொழுது யாக்கோபு: நான் தேவனை முகமுகமாய்க் கண்டேன், உயிர் தப்பிப் பிழைத்தேன் என்று சொல்லி, அந்த ஸ்தலத்துக்கு பெனியேல் என்று பேரிட்டான் - ஆதியாகமம் 32:24-30
 

இதில் "போராடி" என்ற வார்த்தை யாக்கோபை ஒரு மல்யுத்த வீரன் போல தான் காட்டுகிறது, ஆனால் உண்மையில் நடந்தது என்னவென்றால், அந்த இரவு முழுவது யாக்கோபு தன்னிடம் தரிசனமான அந்த புருஷனிடம்  அவர் இரக்கத்திற்காக அழுது கெஞ்சினானாம், அவருடைய நாமம் யேகோவா என்பதை தேவ ஆவியானவர் ஓசியா தீர்க்கதரிசியின் மூலமாய் வெளிப்படுத்தி இருந்தார், அது நம் கர்த்தராகிய இயேசு கிறிஸ்துவே - 3.அவன் தாயின் கர்ப்பத்திலே தன் சகோதரனுடைய குதிகாலைப் பிடித்தான், தன் பெலத்தினால் தேவனோடே போராடினான். 4.அவன் தூதனானவரோடே போராடி மேற்கொண்டான், அழுது அவரை நோக்கிக் கெஞ்சினான்; பெத்தேலிலே அவர் அவனைக் கண்டு சந்தித்து, அவ்விடத்திலும் நம்மோடே பேசினார். 5.கர்த்தராகிய அவர் சேனைகளின் தேவன்; யேகோவா என்பது அவருடைய நாமசங்கீர்த்தனம். 6.இப்போதும் நீ உன் தேவனிடத்தில் திரும்பு; தயவையும் நியாயத்தையும் கைக்கொண்டு, இடைவிடாமல் உன் தேவனை நம்பிக்கொண்டிரு - ஓசியா 12:3-6

கடைசியாக யாக்கோபு அந்த தசமப்பாகத்தை ஏசாவிடம் கொடுத்தான், அந்த ஏசாவின் சந்ததியாரே ஏதோம் என்று அழைக்கப்பட்டார்கள், அவர்களே இயேசு கிறிஸ்துவின் நாட்களில் ஏரோதுகளாக இஸ்ரவேல் தேசத்தை ஆண்டு, ரோமர்கள் என்கிற போர்வையில் நம் இரட்சகராகிய இயேசு கிறிஸ்துவை, அந்த உன்னதமான தேவனுடைய குமாரனை சிலுவையில் அறைந்தார்கள் - 8.அப்பொழுது அவன்: எனக்கு எதிர்கொண்டுவந்த அந்த மந்தையெல்லாம் என்னத்துக்கு என்றான். அதற்கு அவன்: என் ஆண்டவனுடைய கண்களில் எனக்குத் தயவு கிடைக்கிறதற்கு என்றான். 9.அதற்கு ஏசா: என் சகோதரனே, எனக்குப் போதுமானது உண்டு; உன்னுடையது உனக்கு இருக்கட்டும் என்றான். 10.அதற்கு யாக்கோபு: அப்படி அல்ல, உம்முடைய கண்களில் எனக்குத் தயவு கிடைத்ததேயானால், என் வெகுமதியை என் கையிலிருந்து ஏற்றுக்கொள்ளும்; நீர் என்மேல் பிரியமானீர், நான் உம்முடைய முகத்தைக் கண்டது தேவனுடைய முகத்தைக் கண்டதுபோல இருக்கிறது. 11.தேவன் எனக்கு அநுக்கிரகம் செய்திருக்கிறார்; வேண்டியதெல்லாம் எனக்கு உண்டு; ஆகையால் உமக்குக் கொண்டுவரப்பட்ட என் காணிக்கையை ஏற்றுக்கொள்ளும் என்று சொல்லி, அவனை வருந்திக் கேட்டுக்கொண்டான்; அப்பொழுது அவன் அதை ஏற்றுக்கொண்டான் - ஆதியாகமம் 33:8-11

இப்படியாக ஏதோமியர் யாக்கோபிடமிருந்து தசமபாகத்தை பெற்று ஒரு ஆசாரியத்துவ ஊழியத்தை  பெற்றிருந்தார்கள், அதனால் தான் அவர்களால் இயேசு கிறிஸ்துவை சிலுவையில் அறைய முடிந்தது, ஏனென்றால் ஆசாரியர்கள் தானே தேவனுக்கு பலியை செலுத்த முடியும், இதைத்தான் இயேசு கிறிஸ்து இப்படியாக சொன்னார் - 10.அப்பொழுது பிலாத்து: நீ என்னோடே பேசுகிறதில்லையா? உன்னைச் சிலுவையில் அறைய எனக்கு அதிகாரமுண்டென்றும், உன்னை விடுதலைபண்ண எனக்கு அதிகாரமுண்டென்றும் உனக்குத் தெரியாதா என்றான். 11.இயேசு பிரதியுத்தரமாக: பரத்திலிருந்து உமக்குக் கொடுக்கப்படாதிருந்தால், என்மேல் உமக்கு ஒரு அதிகாரமுமிராது; ஆனபடியினாலே என்னை உம்மிடத்தில் ஒப்புக்கொடுத்தவனுக்கு அதிக பாவமுண்டு என்றார். - யோவான் 19:10-11


சோபி, மாகீர், பர்சிலா

இப்படியாக மக்னாயீமில் நடந்த சம்பவம் இயேசு கிறிஸ்துவை குறித்த ஒரு பிரதான தீர்க்கதரிசனமாக இருக்கிறது, அங்கு யாக்கோபு இயேசு கிறிஸ்துவை திரியேக தேவனாகவே சந்தித்தான், அதே மக்னாயீமுக்கு தாவீது ஒரு முறை வர நேரிட்டது, அப்பொழுது தாவீது "ராஜாவாக" வரவில்லை, மாறாக யாக்கோபை போலவே உயிர் தப்பிக்க மக்னாயீமுக்கு வந்திருந்தார்.

ராஜாவாக பல ஆண்டுகளாக அரண்மனையில் வாழ்ந்து கொண்டிருந்த தாவீது, தன் மகன் அப்சலோமின் நிமித்தமாக உயிர் தப்பி, தன் முகத்தை மூடி கொண்டு, வெறுங்காலால் நடந்து, அழுது கொண்டு சென்றதோ மக்னாயீம் என்கிற வனாந்திரமான இடம், உறங்க கூட இடம் இல்லாத அந்த இரவு, தாவீதுக்கு ஒரு கஷ்டமான இரவு தான் - 10.அப்சலோம் இஸ்ரவேல் கோத்திரங்களுக்கெல்லாம் வேவுகாரரை அனுப்பி, நீங்கள் எக்காளத்தொனியைக் கேட்கும்போது, அப்சலோம் எப்ரோனிலே ராஜாவானான் என்று சொல்லுங்கள் என்று சொல்லச்சொல்லி வைத்திருந்தான். 11.எருசலேமிலிருந்து வரவழைக்கப்பட்ட இருநூறுபேர் அப்சலோமோடே கூடப்போனார்கள்; அவர்கள் வஞ்சகமின்றி அறியாமையினால் போனார்கள். 12.அப்சலோம் பலிகளைச் செலுத்தும்போது, தாவீதின் ஆலோசனைக்காரனாகிய அகித்தோப்பேல் என்னும் கீலோனியனையும் அவன் ஊராகிய கீலோவிலிருந்து வரவழைப்பித்தான்; அப்படியே கட்டுப்பாடு பலத்து, ஜனங்கள் அப்சலோமினிடத்தில் திரளாய் வந்து கூடினார்கள். 13.அதை அறிவிக்கிற ஒருவன் தாவீதினிடத்தில் வந்து, இஸ்ரவேலில் ஒவ்வொருவருடைய இருதயமும் அப்சலோமைப் பற்றிப்போகிறது என்றான். 14.அப்பொழுது தாவீது எருசலேமிலே தன்னிடத்திலுள்ள தன்னுடைய எல்லா ஊழியக்காரரையும் நோக்கி: எழுந்து ஓடிப்போவோம், இல்லாவிட்டால் நாம் அப்சலோமுக்குத் தப்ப இடமில்லை; அவன் தீவிரித்து நம்மிடத்தில் வந்து, நம்மைப் பிடித்து, நம்மேல் பொல்லாப்பு வரப்பண்ணி, நகரத்தைப் பட்டயக்கருக்கினால் சங்காரம்பண்ணாதபடிக்குத் தீவிரமாய்ப் புறப்படுங்கள் என்றான். 15.ராஜாவின் ஊழியக்காரர் ராஜாவைப் பார்த்து: இதோ, ராஜாவாகிய எங்கள் ஆண்டவன் கட்டளையிடும் காரியத்தையெல்லாம் செய்ய உமது அடியாராகிய நாங்கள் ஆயத்தமாயிருக்கிறோம் என்றார்கள். 16.அப்படியே ராஜாவும் அவனுடைய வீட்டார் எல்லாரும் கால்நடையாய்ப் புறப்பட்டார்கள்; வீட்டைக்காக்க ராஜா மறுமனையாட்டிகளாகிய பத்து ஸ்திரீகளைப் பின்வைத்தான். 17.ராஜாவும் சமஸ்த ஜனங்களும் கால்நடையாய்ப் புறப்பட்டு, சற்றுத்தூரம் போய், ஒரு இடத்திலே தரித்து நின்றார்கள். 18.அவனுடைய ஊழியக்காரர் எல்லாரும், கிரேத்தியர் யாவரும், பிலேத்தியர் யாவரும் அவன் பக்கத்திலே நடந்துபோனார்கள்; காத்தூரிலிருந்து கால்நடையாய் வந்திருந்த அறுநூறுபேராகிய கித்தியர் எல்லாரும் ராஜாவுக்குமுன்பாக நடந்தார்கள். 19.அப்பொழுது ராஜா கித்தியனாகிய ஈத்தாயைப் பார்த்து: நீ எங்களுடனேகூட வருவானேன்? நீ திரும்பிப்போய், ராஜாவுடனேகூட இரு; நீ அந்நியதேசத்தான், நீ உன் இடத்திற்குத் திரும்பிப் போகலாம். 20.நீ நேற்றுதானே வந்தாய்; இன்று நான் உன்னை எங்களோடே நடந்துவரும்படிக்கு அழைத்துக்கொண்டு போகலாமா? நான் போகக்கூடிய இடத்திற்குப் போகிறேன்; நீ உன் சகோதரரையும் அழைத்துக்கொண்டு திரும்பிப்போ; கிருபையும் உண்மையும் உன்னோடே இருப்பதாக என்றான். 21.ஆனாலும் ஈத்தாய் ராஜாவுக்குப் பிரதியுத்தரமாக: ராஜாவாகிய என் ஆண்டவன் எங்கேயிருப்பாரோ, அங்கே உமது அடியானும், செத்தாலும் பிழைத்தாலும், இருப்பான் என்று கர்த்தருடைய ஜீவனையும் ராஜாவாகிய என் ஆண்டவனுடைய ஜீவனையும் கொண்டு சொல்லுகிறேன் என்றான். 22.அப்பொழுது தாவீது ஈத்தாயை நோக்கி: நடந்துவா என்றான்; அப்படியே கித்தியனாகிய ஈத்தாயும் அவனுடைய எல்லா மனுஷரும் அவனோடிருக்கிற எல்லாப் பிள்ளைகளும் நடந்துபோனார்கள். 23.சகல ஜனங்களும் நடந்துபோகிறபோது, தேசத்தார் எல்லாரும் மகா சத்தமாய் அழுதார்கள்; ராஜா கீதரோன் ஆற்றைக் கடந்தான்; ஜனங்கள் எல்லாரும் வனாந்தரத்திற்குப் போகிற வழியே நடந்துபோனார்கள் - II சாமுவேல் 15:10-23 

அப்பொழுது தான் இந்த மூன்று பேர் தாவீதுக்கு தேவையான அனைத்தையும் கொண்டு வந்தார்கள், இது எப்படியாகும்? அதில் வேதாகமத்தில் வேறெங்கும் குறிப்பிடப்படாத சோபி என்கிறவரும் இடம் பெறக் காரணம் என்ன? இவர்கள் அந்த காலத்தில் வாழ்ந்த மக்களாக இருந்தாலும் இயேசு கிறிஸ்துவின் திருத்துவதையும் கர்த்தரின் அன்பையும் பிரதிபலிக்கும் பாத்திரங்களாக தான் அங்கு வந்தார்கள் என்பதில் சந்தேகம் இல்லை - 27.தாவீது மக்னாயீமில் சேர்ந்தபோது, அம்மோன் புத்திரரின் தேசத்து ரப்பா பட்டணத்தானாகிய சோபி என்னும் நாகாசின் குமாரனும், லோதேபார் ஊரானான அம்மியேலின் குமாரன் மாகீரும், ரோகிலிம் ஊரானும் கீலேயாத்தியனுமாகிய பர்சிலாவும், 28.மெத்தைகளையும், கலங்களையும், மண்பாண்டங்களையும், கோதுமையையும், வாற்கோதுமையையும், மாவையும், வறுத்த பயற்றையும், பெரும்பயற்றையும், சிறு பயற்றையும், வறுத்த சிறு பயற்றையும், 29.தேனையும், வெண்ணெயையும், ஆடுகளையும், பால்கட்டிகளையும், தாவீதுக்கும் அவனோடிருந்த ஜனங்களுக்கும் சாப்பிடுகிறதற்குக் கொண்டுவந்தார்கள்; அந்த ஜனங்கள் வனாந்தரத்திலே பசியும் இளைப்பும் தவனமுமாயிருப்பார்கள் என்று இப்படிச் செய்தார்கள் - II சாமுவேல் 17:27-29

அதின் விளைவு தான், தாவீது தனது சேனையை மூன்று பாகங்களாக பிரித்து மறுபடியும் ராஜ்யத்தை சுதந்தரித்துக் கொண்டான் - 1.தாவீது தன்னோடிருந்த ஜனங்களை இலக்கம் பார்த்து, அவர்கள்மேல் ஆயிரத்துக்கு அதிபதிகளையும், நூற்றுக்கு அதிபதிகளையும் வைத்து, 2.பின்பு தாவீது ஜனங்களில் மூன்றில் ஒரு பங்கை யோவாபின் வசமாகவும், மூன்றில் ஒரு பங்கைச் செருயாவின் குமாரனும் யோவாபின் சகோதரனுமான அபிசாயின் வசமாகவும், மூன்றில் ஒரு பங்கைக் கித்தியனாகிய ஈத்தாயின் வசமாகவும் அனுப்பி: நானும் உங்களோடேகூடப் புறப்பட்டு வருவேன் என்று ராஜா ஜனங்களிடத்தில் சொன்னான். 3.ஜனங்களோ: நீர் புறப்படவேண்டாம்; நாங்கள் முறிந்தோடிப்போனாலும், அவர்கள் எங்கள் காரியத்தை ஒருபொருட்டாக எண்ணமாட்டார்கள்; எங்களில் பாதிப்பேர் செத்துப்போனாலும், எங்கள் காரியத்தைப்பற்றிக் கவலைப்படமாட்டார்கள்; நீரோ, எங்களில் பதினாயிரம்பேருக்குச் சரி; நீர் பட்டணத்தில் இருந்துகொண்டு, எங்களுக்கு உதவிசெய்கிறது எங்களுக்கு நலமாயிருக்கும் என்றார்கள் - II சாமுவேல் 18:1-3

அடுத்த பாகம்: மோசேயின் விளக்கம்