இரண்டு பணத்தை எடுத்து
இயேசு கிறிஸ்து திரியேக தேவனாக, அதாவது பிதா, வார்த்தை, பரிசுத்த ஆவியானவரின் தற்சுரூபமாய் இருக்கிறார் !

முந்தைய பாகம்: வெண்மையான வஸ்திரந்தரித்த இரண்டுபேர்

எண்ணெயும் திராட்சரசமும்

நம் கர்த்தராகிய இயேசு கிறிஸ்துவானவர், பிதா, வார்த்தை, மற்றும் பரிசுத்த ஆவி என்கிற காணக்கூடாத தேவனுடைய தற்சுரூபமாயிருக்கிறார், எப்படியெனில், திரியேக தேவனில் வார்த்தையானவர் மாம்சத்தில் வெளிப்பட்ட பொழுது, அவர் பரிசுத்தஆவியினாலும் பிதாவின் வல்லமையினாலும் நிரப்பப்பட்டவராக இருந்தார், இருக்கிறார், வெளிப்படுவார்.

இந்த வார்த்தையானவரே நமக்கு பரிசுத்தஆவியின் அபிஷேகத்தையும் பிதாவின் வல்லமையையும் அருளுகிறார் என்பதே, இயேசு கிறிஸ்து சொன்ன இந்த உதாரணத்தின் கருப்பொருளாய் இருக்கிறது, எப்படியெனில் நம்மேல் மனதுருக்கமுள்ள கர்த்தர், நல்ல சமாரியனாக நம் கிட்ட வந்து, நம்முடைய காயங்களில் எண்ணெயும் திராட்சரசமும் வார்த்து நம்மை குணப்படுத்துகிறார் - 25.அப்பொழுது நியாயசாஸ்திரி ஒருவன் எழுந்திருந்து, அவரைச் சோதிக்கும்படி: போதகரே, நித்திய ஜீவனைச் சுதந்தரித்துக்கொள்ளும்படிக்கு நான் என்ன செய்யவேண்டும் என்று கேட்டான். 26.அதற்கு அவர்: நியாயப்பிரமாணத்தில் என்ன எழுதியிருக்கிறது? நீ வாசித்திருக்கிறது என்ன என்றார். 27.அவன் பிரதியுத்தரமாக: உன் தேவனாகிய கர்த்தரிடத்தில் உன் முழு இருதயத்தோடும் உன் முழு ஆத்துமாவோடும், உன் முழுப் பலத்தோடும் உன் முழுச் சிந்தையோடும் அன்புகூர்ந்து, உன்னிடத்தில் அன்புகூருவதுபோலப் பிறனிடத்திலும் அன்புகூருவாயாக என்று எழுதியிருக்கிறது என்றான். 28.அவர் அவனை நோக்கி: நிதானமாய் உத்தரவு சொன்னாய்; அப்படியே செய், அப்பொழுது பிழைப்பாய் என்றார். 29.அவன் தன்னை நீதிமான் என்று காண்பிக்க மனதாய் இயேசுவை நோக்கி: எனக்குப் பிறன் யார் என்று கேட்டான். 30.இயேசு பிரதியுத்தரமாக: ஒரு மனுஷன் எருசலேமிலிருந்து எரிகோவுக்குப் போகையில் கள்ளர் கையில் அகப்பட்டான்; அவர்கள் அவன் வஸ்திரங்களை உரிந்துகொண்டு, அவனைக் காயப்படுத்தி, குற்றுயிராக விட்டுப் போனார்கள். 31.அப்பொழுது தற்செயலாய் ஒரு ஆசாரியன் அந்த வழியே வந்து, அவனைக் கண்டு, பக்கமாய் விலகிப்போனான். 32.அந்தப்படியே ஒரு லேவியனும் அந்த இடத்துக்கு வந்து, அவனைக் கண்டு, பக்கமாய் விலகிப்போனான். 33.பின்பு சமாரியன் ஒருவன் பிரயாணமாய் வருகையில், அவனைக் கண்டு, மனதுருகி, 34.கிட்ட வந்து, அவனுடைய காயங்களில் எண்ணெயும் திராட்சரசமும் வார்த்து, காயங்களைக் கட்டி, அவனைத் தன் சுயவாகனத்தின்மேல் ஏற்றி, சத்திரத்துக்குக் கொண்டுபோய், அவனைப் பராமரித்தான் - லூக்கா 10:25-34

இரண்டு பணத்தை எடுத்து

அது மாத்திரம் இல்லாமல், வார்த்தையானவர் எடுத்துக் கொள்ளப்பட்ட பொழுது, நமக்காக விட்டு சென்ற பரிசுத்தஆவியின் அபிஷேகத்தையும் பிதாவின் வல்லமையையுமே, நம்மை பார்த்துக் கொள்வதற்க்காக கர்த்தர் இரண்டு பணத்தை எடுத்து கொடுத்து விட்டு சென்றதாக குறிப்பிட்டுள்ளார் - 35.மறுநாளிலே தான் புறப்படும்போது இரண்டு பணத்தை எடுத்து, சத்திரத்தான் கையில் கொடுத்து: நீ இவனை விசாரித்துக்கொள், அதிகமாய் ஏதாகிலும் இவனுக்காகச் செலவழித்தால், நான் திரும்பிவரும்போது அதை உனக்குத் தருவேன் என்றான். 36.இப்படியிருக்க, கள்ளர்கையில் அகப்பட்டவனுக்கு இந்த மூன்றுபேரில் எவன் பிறனாயிருந்தான்? உனக்கு எப்படித் தோன்றுகிறது என்றார். 37.அதற்கு அவன்: அவனுக்கு இரக்கஞ்செய்தவனே என்றான். அப்பொழுது இயேசு அவனை நோக்கி: நீயும் போய் அந்தப்படியே செய் என்றார் - லூக்கா 10:35-37

விரோதி,  சிதறடிக்கிறவன்

இன்னொரு உபதேசத்தில் தானே, கர்த்தர் கொள்ளை இடுபவர்களை ஒரு உதாரணமாக எடுத்து தன்னுடைய திருத்துவதை விளக்கி சொன்னார், எப்படியெனில், ஒரு திருடனுக்குள் இரண்டு காரியங்கள் இருக்கும், முதலாவது அந்த திருடனுக்குள் விரோதி என்கிற ஒரு ஆவி இருக்கும், அடுத்ததாக அந்த திருடனுக்குள் சிதறடிக்க வேண்டும் என்கிற ஒரு ஆவி இருக்கும், இதை ஒரு உதாரணமாக சொன்ன கர்த்தர், என்னோடு நண்பனாக ஒருவர் இருக்கிறார் என்றும் , என்னோடு சிதறாமல் சேர்க்கிறவர் ஒருவர் இருக்கிறார் என்றும் இரண்டு பேரை குறிப்பிட்டார், அது யாராக இருக்கும்? அது பிதாவின் குமாரனும் பரிசுத்த ஆவியானவரின் குமாரனுமே! 28.நான் தேவனுடைய ஆவியினாலே பிசாசுகளைத் துரத்துகிறபடியால், தேவனுடைய ராஜ்யம் உங்களிடத்தில் வந்திருக்கிறதே. 29.அன்றியும், பலவானை முந்திக் கட்டினாலொழியப் பலவானுடைய வீட்டுக்குள் ஒருவன் புகுந்து, அவன் உடைமைகளை எப்படிக் கொள்ளையிடக்கூடும்? கட்டினானேயாகில், அவன் வீட்டைக் கொள்ளையிடலாம். 30.என்னோடே இராதவன் எனக்கு விரோதியாயிருக்கிறான்; என்னோடே சேர்க்காதவன் சிதறடிக்கிறான் - மத்தேயு 12:28-30

உமது கோலும் உமது தடியும்

இப்படி வார்த்தையானவர் வாசலாகவும், பிதாவும் பரிசுத்த ஆவியானவரும் மேய்ப்பனாகவும், வாசலைக் காக்கிறவராகவும் இருப்பதை தான், சங்கீதகாரனாகிய தாவீது தேவரீர்[வார்த்தையானவரின் குமாரன்] என்னோடேகூட இருக்கிறீர்; உமது கோலும்[பிதாவானவரின் குமாரன்] உமது தடியும்[பரிசுத்த ஆவியானவரின் குமாரன்] என்னைத் தேற்றும் என்று கூறியுள்ளார் - 1.கர்த்தர் என் மேய்ப்பராயிருக்கிறார்; நான் தாழ்ச்சியடையேன். 2.அவர் என்னைப் புல்லுள்ள இடங்களில் மேய்த்து, அமர்ந்த தண்ணீர்கள் அண்டையில் என்னைக் கொண்டுபோய் விடுகிறார். 3.அவர் என் ஆத்துமாவைத் தேற்றி, தம்முடைய நாமத்தினிமித்தம் என்னை நீதியின் பாதைகளில் நடத்துகிறார். 4.நான் மரண இருளின் பள்ளத்தாக்கிலே நடந்தாலும் பொல்லாப்புக்குப் பயப்படேன்; தேவரீர் என்னோடேகூட இருக்கிறீர்; உமது கோலும் உமது தடியும் என்னைத் தேற்றும் - சங்கீதம் 23:1-4

அடுத்த பாகம்: உம்முடைய வருகை