தேவனுடைய மகிமையைக் காண்பாய்

இயேசு கிறிஸ்து தன்னை தேவன் என்று எப்பொழுது சொன்னார் என்று வாதிடுவாரும் உண்டு, தன்னை தேவன் என்று ஏவ்விடத்திலாவது கூறியிருக்கிறாரா என்று வேதத்தை ஆராய்பவர்கள் உண்டு, அதற்கான ஒரு ஆதாரத்தை இந்த தொகுப்பில் பார்க்கலாம்.

லாசரு மரித்து நான்கு நாள் ஆன சமயத்தில், அவனை உயிருடன் எழுப்ப வந்த இயேசு கிறிஸ்து, அவன் சகோதரியாகிய மார்த்தாளிடம்,  "நீ விசுவாசித்தால் என்னுடைய மகிமையைக் காண்பாய்" என்று சொல்லாமல், "நீ விசுவாசித்தால் தேவனுடைய மகிமையைக் காண்பாய்" என்று சொல்லி தான் தான் சர்வ வல்லமையுள்ள தேவன் என்பதை மறைமுகமாக சொன்னார்.

மரித்த லாசருவின் சகோதரியாகிய மார்த்தாளிடம்,  "நீ விசுவாசித்தால் தேவனுடைய மகிமையைக் காண்பாய் என்று நான் உனக்குச் சொல்லவில்லையா?" என்று கர்த்தர் கேட்டதில் மிகப்பெரிய இரகசியம் இருக்க தான் செய்கிறது - 36.அப்பொழுது யூதர்கள்: இதோ, இவர் அவனை எவ்வளவாய்ச் சிநேகித்தார் என்றார்கள்! 37.அவர்களில் சிலர்: குருடனுடைய கண்களைத் திறந்த இவர், இவனைச் சாகாமலிருக்கப்பண்ணவும் கூடாதா என்றார்கள். 38.அப்பொழுது இயேசு மறுபடியும் தமக்குள்ளே கலங்கிக் கல்லறையினிடத்திற்கு வந்தார். அது ஒரு குகையாயிருந்தது; அதின்மேல் ஒரு கல் வைக்கப்பட்டிருந்தது. 39.இயேசு: கல்லை எடுத்துப்போடுங்கள் என்றார். மரித்தவனுடைய சகோதரியாகிய மார்த்தாள் அவரை நோக்கி: ஆண்டவரே, இப்பொழுது நாறுமே, நாலுநாளாயிற்றே என்றாள். 40.இயேசு அவளை நோக்கி: நீ விசுவாசித்தால் தேவனுடைய மகிமையைக் காண்பாய் என்று நான் உனக்குச் சொல்லவில்லையா என்றார். 41.அப்பொழுது மரித்தவன் வைக்கப்பட்ட இடத்திலிருந்த கல்லை எடுத்துப்போட்டார்கள். இயேசு தம்முடைய கண்களை ஏறெடுத்து: பிதாவே, நீர் எனக்குச் செவிகொடுத்தபடியினால் உம்மை ஸ்தோத்திரிக்கிறேன். 42.நீர் எப்பொழுதும் எனக்குச் செவிகொடுக்கிறீர் என்று நான் அறிந்திருக்கிறேன்; ஆனாலும் நீர் என்னை அனுப்பினதைச் சூழ்ந்துநிற்கும் ஜனங்கள் விசுவாசிக்கும்படியாக அவர்கள்நிமித்தம் இதைச் சொன்னேன் என்றார். 43.இவைகளைச் சொன்னபின்பு: லாசருவே, வெளியே வா என்று, உரத்த சத்தமாய்க் கூப்பிட்டார். 44.அப்பொழுது, மரித்தவன் வெளியே வந்தான். அவன் கால்களும் கைகளும் பிரேதச் சீலைகளினால் கட்டப்பட்டிருந்தது, அவன் முகமும் சீலையால் சுற்றப்பட்டிருந்தது. இயேசு அவர்களை நோக்கி: இவனைக் கட்டவிழ்த்துவிடுங்கள் என்றார் - யோவான் 11:36-44 

மேலும், "நீ விசுவாசித்தால் தேவனுடைய மகிமையைக் காண்பாய்" என்கிற காரியத்தை, தான் ஏற்கனவே  மார்த்தாளிடம் சொல்லியிருந்ததாகவும், அதை இப்பொழுது அவளுக்கு நினைவூட்ட வேண்டியதாய் இருந்ததால், "நீ விசுவாசித்தால் தேவனுடைய மகிமையைக் காண்பாய் என்று நான் ஏற்கனவே சொல்லியிருக்கிறேன் அல்லவா?" என்று சொன்னார். கர்த்தர் இதை மார்த்தாளிடம் எப்பொழுது சொன்னார்?

"நீ விசுவாசித்தால் தேவனுடைய மகிமையைக் காண்பாய்" என்று மார்த்தாளிடம் இதற்கு முன்பு  சொல்லியிருந்ததாக வேதாகமத்தில் எங்கும் காணப்படவில்லையே,  நன்றாய் ஆராய்ந்து பார்க்கும் பொழுது கர்த்தர் "என்னை விசுவாசிக்கிறவன் மரித்தாலும் பிழைப்பான்" என்றே  சொல்லியிருந்தார், இப்படியாக இயேசு தான் தேவன் என்பதை மறைமுகமாக சொன்னார் - 17.இயேசு வந்தபோது அவன் கல்லறையில் வைக்கப்பட்டு நாலுநாளாயிற்றென்று கண்டார். 18.பெத்தானியா ஊர் எருசலேமுக்குச் சமீபமாய் ஏறக்குறைய இரண்டு மைல் தூரத்திலிருந்தது. 19.யூதரில் அநேகர் மார்த்தாள் மரியாள் என்பவர்களுடைய சகோதரனைக் குறித்து அவர்களுக்கு ஆறுதல் சொல்லும்படி அவர்களிடத்தில் வந்திருந்தார்கள். 20.இயேசு வருகிறார் என்று மார்த்தாள் கேள்விப்பட்டபோது, அவருக்கு எதிர்கொண்டுபோனாள்; மரியாளோ வீட்டிலே உட்கார்ந்திருந்தாள். 21.மார்த்தாள் இயேசுவினிடத்தில் வந்து: ஆண்டவரே, நீர் இங்கேயிருந்தீரானால் என் சகோதரன் மரிக்கமாட்டான். 22.இப்பொழுதும் நீர் தேவனிடத்தில் கேட்டுக்கொள்ளுவதெதுவோ அதை தேவன் உமக்குத் தந்தருளுவாரென்று அறிந்திருக்கிறேன் என்றாள். 23.இயேசு அவளை நோக்கி: உன் சகோதரன் உயிர்த்தெழுந்திருப்பான் என்றார். 24.அதற்கு மார்த்தாள்: உயிர்த்தெழுதல் நடக்கும் கடைசிநாளிலே அவனும் உயிர்த்தெழுந்திருப்பான் என்று அறிந்திருக்கிறேன் என்றாள். 25.இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்; 26.உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா என்றார். 27.அதற்கு அவள்: ஆம், ஆண்டவரே, நீர் உலகத்தில் வருகிறவரான தேவகுமாரனாகிய கிறிஸ்து என்று நான் விசுவாசிக்கிறேன் என்றாள். 28.இவைகளைச் சொன்னபின்பு, அவள் போய், தன் சகோதரியாகிய மரியாளை ரகசியமாய் அழைத்து: போதகர் வந்திருக்கிறார், உன்னை அழைக்கிறார் என்றாள். 29.அவள் அதைக் கேட்டவுடனே, சீக்கிரமாய் எழுந்து, அவரிடத்தில் வந்தாள். 30.இயேசு இன்னும் கிராமத்துக்குள் வராமல், மார்த்தாள் தம்மைச் சந்தித்த இடத்திலே இருந்தார் - யோவான் 11:28-30